Latur NEET Connection : एका बाजूला पेपर फोडून प्रवेश, दुसरीकडे आयुष्य पणाला लावणारा विश्वजीत!

Latur NEET Connection : एका बाजूला पेपर फोडून प्रवेश, दुसरीकडे आयुष्य पणाला लावणारा विश्वजीत! 

सीबीआयला महाराष्ट्र आणि राजस्थानमध्ये नीट पेपरच्या प्रिंट काढून विक्री केल्याचे पुरावे (NEET Paper Leak Case) मिळाले आहेत. त्यामुळे सीबीआयच्या म्हणण्यानूसार, यापुढील आरोपींना अटक झाल्यानंतर नीट पेपरलीक प्रकरण आणखी व्यापक वळण घेणार आहे. तसेच नीट पेपरफुटीचे महाराष्ट्र केंद्र म्हणून समोर आले असून या प्रकरणात हायप्रोफाईल पालक रडारवर असल्याची माहिती समोर येत आहे. 

सीबीआयच्या तपासातून काही नातेवाईकांनी नीटचा पेपर पुढे इतर लोकांनाही विकला होता, अशी धक्कादायक माहिती समोर आली आहे. मात्र अद्याप किती विद्यार्थ्यांनी पेपर खरेदी केला होता, हे सीबीआयला निश्चित करता आलेले नाही. यामुळेच पेपर किती लोकांपर्यंत पोहोचला, हे सध्या शोधणे कठीण झाले आहे. (NEET Paper Leak Case)

नीट पेपरलीकचे सर्वात मोठे केंद्र महाराष्ट्र- (NEET Paper Leak Case)

सीबीआयच्या तपासात आतापर्यंत समोर आले आहे की, नीट पेपरलीकचे सर्वात मोठे केंद्र महाराष्ट्र होते. याच ठिकाणाहून राजस्थान आणि इतर राज्यांतील विद्यार्थ्यांपर्यंत ‘प्रश्नपत्रिका’ पोहोचवण्यात आली. पेपरलीक करणारे दलाल आणि सूत्रधारच नव्हे, तर मोठी रक्कम देऊन पेपर खरेदी करणारे हाय प्रोफाइल पालकही सीबीआयच्या रडारवर आहेत. एजन्सी आता अशा सर्व पालकांची यादी तयार करत आहे, ज्यांच्या बँक खात्यांतून शिवराज मोटेगावकर, पी. व्ही. कुलकर्णी किंवा त्यांची सहकारी मनीषा वाघमारे (पुणे) यांच्या खात्यांमध्ये पैसे ट्रान्सफर झाले होते. सीबीआयच्या तीन पथकांकडून आता पुढील चेन म्हणजे पेपर खरेदी करणारे नातेवाईक आणि विद्यार्थ्यांवर कारवाई करण्याची तयारी सुरू आहे. सीबीआय लवकरच इतर राज्यांमध्येही छापेमारी करणार आहे.