Defender : ‘डिफेंडर’ गाडीवरून महायुतीत नवा वाद, कमिशनचे गंभीर आरोप

बुलढाण्यात (Buldhana) शिंदे शिवसेनेचे आमदार संजय गायकवाड (Sanjay Gaikwad) आणि भाजपचे जिल्हाध्यक्ष विजय शिंदे (Vijay Shinde) यांच्यात दीड कोटींच्या डिफेंडर (Defender) गाडीवरून राजकीय वाद पेटला आहे. विजय शिंदे यांनी, 'दीड कोटींची डिफेंडर गाडी एका कंत्राटदाराच्या नावावर आहे, ती कोणत्या कामातल्या कमिशनमुळे लोकप्रतिनिधीला मिळाली आहे?' असा थेट सवाल करत गंभीर आरोप केला आहे. या आरोपांवर संजय गायकवाड यांनी उत्तर देताना ही कार त्यांचे नातेवाईक आणि पक्षाचे कार्यकर्ते निलेश ढवळे यांची असून ती शंभर टक्के कर्जावर घेतली असल्याचं स्पष्टीकरण दिलं आहे. दुसरीकडे, ठाकरे गटाचे नेते अंबादास दानवे यांनीही या वादावर प्रतिक्रिया दिली आहे. आलिशान आणि मजबूत बांधणीसाठी ओळखली जाणारी ही 'लँड रोव्हर डिफेंडर' गाडी पुन्हा एकदा महाराष्ट्राच्या राजकारणात चर्चेचा विषय ठरली आहे.