Covid 19 Vaccination | गडचिरोलीतील 4 तालुक्यांत लसीकरण होणार

महाराष्ट्राच्या टोकावर असलेल्या गडचिरोली जिल्ह्यात कोरोना लसीचे 12 हजार डोस 14 जानेवारीला पोहोचले. आज गडचिरोलीतील चार तालुक्यांमध्ये ही लस देण्यात येणार आहे ज्यात गडचिरोली, अहेरी, चामोर्शी, आरमोरी तालुक्यांचा समावेश आहे. आज 400 लस देण्यात येणार असून प्रत्येक तालुक्यात 100 लसीकरणं करण्यात येणार आहे. पहिल्या टप्प्यात 6 हजार कर्मचाऱ्यांना आणि दुसऱ्या 28 दिवसानंतरच्या दोन्ही डोजसाठी 12 हजार डोसचा साठा उपलब्ध झाला. यानंतर उर्वरीत कर्मचाऱ्यांसाठी पुढील आठवडयात साठा उपलब्ध होणार आहे. 14 तारखेला आलेल्या कोरोना लसीचे 12 हजार डोस आवश्यक तापमानात ठेवण्यात आले आहेत.