Chanda Te Banda : चांदा ते बांदा बातम्यांचा वेगवान आढावा : 05 PM : 17 May 2024 ABP Majha

मुंबई: लोकसभा निवडणुकीच्या प्रचारासाठी पंतप्रधान नरेंद्र मोदींचा संध्याकाळी पावणे सात वाजता मुंबईतल्या घाटकोपरमध्ये रोड शो (Narendra Modi Mumbai Ghatkopar Road Show)  होणार आहे. भाजपचे ईशान्य मुंबईचे उमेदवार मिहिर कोटेचा यांच्या प्रचारासाठी हा रोड शो होणार आहे. घाटकोपरच्या अशोक सिल्क मिल जवळून मोदींच्या रोड शोला सुरुवात होणार असून घाटकोपर पूर्वेकडील पार्श्वनाथ जैन मंदिराजवळ त्याचा समारोप होईल. यामुळे ईशान्य मुंबईतील वाहतुकीत मोठे बदल करण्यात आले आहेत. पण पंतप्रधान नरेंद्र मोदींच्या रोड शोसाठी घाटकोपरच का निवडण्यात आलं याला महत्त्वाचं राजकीय कारण आहे. मोदींच्या रोड शोचा परिणाम हा मुंबईतील सातपैकी पाच लोकसभा मतदारसंघांवर थेट पडणार आहे. 

पाचव्या टप्प्यातील महायुतीची सांगता सभा आज दादरमधील शिवाजी पार्कवर (Shivaji Park)  होणार आहे. या सभेसाठी  पंतप्रधान नरेंद्र मोदी (PM Modi) आणि मनसे अध्यक्ष राज ठाकरे (Raj Thackeray)  आणि एकाच मंचावर येणार आहेत.  संजय राऊतांनी राज ठाकरेंवर सडकून टीका केली आहे.  ज्यांनी तुम्हाला महाराष्ट्रात येऊ देणार नाही असं म्हटलं त्यांच्या मांडीला मांडी लावून बसतात, असे  म्हणत संजय राऊत (Sanjay Raut) यांनी मोदींच्या राज ठाकरेंसोबतच्या सभेवर टीका केली. ते मुंबईत माध्यमांशी बोलत होते. तसेच अजित पवारांना तुम्ही तुरुंगात टाकणार होता चक्की पिसिंग आता पिसिंगच्या ऐवजी किसिंग करतायत असा ही टोला त्यांनी लगावला.