Ajit Pawar : अजित पवार अॅक्शन मोडमध्ये, पुण्यात अधिकाऱ्यांची कानउघाडणी

उपमुख्यमंत्री आणि पुण्याचे पालकमंत्री अजित पवार यांनी आज पुन्हा एकदा पहाटेच्या वेळी पाहणी दौरा करत अधिकाऱ्यांना कामाचा आढावा दिला. 'वसईकर, कुठे जाऊन बसता तुम्ही? दोन मिनिटं उशीर का?' अशा शब्दात अजित पवार यांनी पीएमआरडीएच्या एका अधिकाऱ्याला सर्वांसमोर फटकारले. खडकवासला विधानसभा मतदारसंघातील वारजे, अहिरेगाव, धायरी आणि नांदेड सिटी परिसरातील विविध विकास कामांची त्यांनी पाहणी केली. वाहतूक कोंडी, रस्त्यांची दुर्दशा आणि नागरिकांच्या इतर समस्या जाणून घेत त्यांनी कामे वेळेत पूर्ण करण्याचे सक्त आदेश अधिकाऱ्यांना दिले. अजित पवारांच्या या 'ऑन द स्पॉट' पाहणी दौऱ्यामुळे प्रशासकीय अधिकाऱ्यांची चांगलीच धांदल उडाली. या दौऱ्यात त्यांच्यासोबत पुणे मनपा आयुक्त आणि इतर संबंधित अधिकारी उपस्थित होते.