MIM On Palika Election : निवडणुकीसाठी MIM ला मिळेना पार्टनर, स्वबळाचा गिअर Special Report

हैदराबादच्या एमआयएम (AIMIM) पक्षाने महाराष्ट्रातील आगामी निवडणुकांसाठी स्वबळावर लढण्याची तयारी दर्शवली आहे. छत्रपती संभाजीनगर येथे झालेल्या पक्षाच्या मेळाव्यात, एमआयएमचे महाराष्ट्र प्रदेशाध्यक्ष इम्तियाज जलील (Imtiaz Jaleel) यांनी भाजपला (BJP) हरवण्यासाठी एकत्र आलेल्या इंडिया आघाडी (INDIA Alliance) आणि महाविकास आघाडीवर (MVA) गंभीर आरोप केले. ‘मजलिस ए इतिहाद उल मुस्लिमीनला (AIMIM) सर्व राजकीय पक्षांनी अस्पृश्य करून टाकले आहे,’ असे जलील म्हणाले. त्यांनी उपमुख्यमंत्री अजित पवार (Ajit Pawar) आणि मुख्यमंत्री एकनाथ शिंदे (Eknath Shinde) यांच्यावर टीका करत त्यांना 'गुस्ताख-ए-रसूल' म्हटले. बिहारप्रमाणेच (Bihar) महाराष्ट्रातही एमआयएमला एकटे पाडण्याचा प्रयत्न होत असल्याचा आरोप करत, आगामी स्थानिक स्वराज्य संस्थांच्या निवडणुकांमध्ये पक्ष आपली ताकद दाखवून देईल, असा विश्वास त्यांनी व्यक्त केला. या निवडणुका एमआयएमसाठी लिटमस टेस्ट ठरणार आहेत.