Voter Fraud: 'मतचोरी आणि दुबार मतदार', घोटाळ्याचे पुरावे Aaditya Thackeray मांडणार, पालिका निवडणुकीवर लक्ष

शिवसेना (UBT) नेते आदित्य ठाकरे (Aaditya Thackeray) मुंबईतील वरळी येथील एनएससीआय डोममध्ये (NSCI Dome, Worli) होणाऱ्या पक्षाच्या 'निर्धार मेळाव्यात' मतदार यादीतील घोटाळ्यांवर एक मोठे सादरीकरण करणार आहेत. या मेळाव्यात आदित्य ठाकरे महाराष्ट्रातील विधानसभा निवडणुकीत झालेली 'मतचोरी, दुबार मतदार आणि मतदार यादीतील घोटाळ्याचे' पुरावे सादर करतील, असे पक्षाच्या सूत्रांनी म्हटले आहे. काँग्रेस नेते राहुल गांधी (Rahul Gandhi) यांनी दिल्लीत केलेल्या सादरीकरणाच्या धर्तीवर हे सादरीकरण असेल. या मेळाव्याला पक्षप्रमुख उद्धव ठाकरे (Uddhav Thackeray) मार्गदर्शन करणार असून, आगामी महापालिका निवडणुकांच्या (Municipal Elections) पार्श्वभूमीवर पदाधिकाऱ्यांना मतदार यादी संदर्भात काय खबरदारी घ्यावी, याच्या सूचनाही दिल्या जाणार आहेत. या मेळाव्याला विभागप्रमुख, शाखाप्रमुख आणि इतर पदाधिकारी उपस्थित राहणार आहेत.