Hotel Poster : कोल्हापुरातल्या हॉटेलमध्ये पोस्टरवरून वाद, हॉटेलमध्ये औरंगजेबाचा फोटो लावल्याचा आरोप

कोल्हापूरतल्या राजारामपुरी येथे असलेल्या 'बिर्याणी बाय किलो' या हॉटेलमध्ये लावण्यात एका फोटोमुळे वाद निर्माण झाला आहे. बहादूर शाह जफर या एका मुघलाचा फोटो लावण्याने संतापलेल्या कोल्हापूरकरांनी हॉटेलमध्ये घुसून हा फोटो रस्त्यावर आणून फाडला. यावेळी हॉटेलमधील कर्मचारी आणि तरुणांमध्ये मोठी वादावादी झाल्याचे पाहायला मिळाले. दरम्यान, काल दिवसभर कोल्हापुरात हॉटेलमध्ये लावण्यात आलेला फोटो औरंगजेबाचा असल्याचा मॅसेज व्हायरल झाला होता. मात्र लावण्यात आलेला फोटो औरंगजेबाचा नसून तो शेवटचा मुघल सम्राट तसेच उर्दू कवीचा  होता अशी माहिती मिळाली आहे. मात्र एका मुघलाचा फोटो हॉटेल मध्ये लावण्यात आल्याने संतापलेल्या तरुणांनी थेट हॉटेलमध्ये घुसून फोटो फाडून टाकला