Kashmir Flood : काश्मीरच्या किश्तवाड जिल्ह्यातील दाछिन गावात ढगफुटीनंतर हाहाकार

काश्मीरच्या किश्तवाडमधील दाछिन गावात ढगफुटी झाल्यानं हाहाकार माजलाय. यामुळे दाछिनमधील अनेक घरांचं मोठं नुकसान झालंय. ढगफुटीनंतर आलेल्या पुरात ३०-४० जण वाहून गेल्याची भीती व्यक्त होतेय. या भागात बचावकार्य वेगानं सुरू असून आत्तापर्यतं ४ मृतदेह बचावदलांच्या हाती लागले आहेत. राज्य आपत्ती व्यवस्थापन दल आणि लष्कर या ठिकाणी बचावकार्य करत असून जखमींना एअरलिफ्ट करण्यासाठी वायूदलालाही पाचारण करण्यात आलंय.