अकोला शहरातील लकडगंज भागात आग, लाकडाची दुकानं, घरं जळून खाक, आगीत तीन सिलेंडरचेही स्फोट

अकोला शहरातील लकडगंज परिसरातील लाकडांच्या दुकानांसह घरांना आज पहाटे भीषण आग लागली. या आगीत पाच दुकानं आणि पाच घर भस्मसात झाली आहेत. सोबतच आगीमध्ये तीन सिलेंडरचे  स्फोटही झाले. पहाटे तीनच्या सुमारास ही आग लागली. या आगीत विदर्भ टिंबर, दुर्गेश मार्ट, डेहनकर टिम्बर मार्ट, नुर अहेमद टिंबर मार्ट ही लाकूड आणि बांबूंची दुकानं जळून खाक झाली. अग्निशमन दलाच्या दहावर बंबांनी सकाळी सहा वाजेपर्यंत आगीवर नियंत्रण मिळवलंय. शॉर्ट सर्किटमुळे आग लागल्याचा प्राथमिक अंदाज व्यक्त होतेये. या आगीत 50 लाखांवर नुकसान झाल्याचा अंदाज व्यक्त केला जात आहे.