नवी दिल्ली : ध्रुव हेलिकॉप्टरमधून उतरताना दोरखंड तुटला, तीन जवान जखमी

प्रजासत्ताक दिनाच्या पार्श्वभूमीवर नवी दिल्लीत सुरु असलेल्या आर्मी परेडच्या सरावादरम्यान एक अपघात घडला आहे. ध्रुव हेलिकॉप्टरमधून उतरण्याचा सराव जवान करत असताना दोरखंड तुटला आणि हे जवान खाली कोसळले. यामध्ये तीन जवान जखमी झाल्याची माहिती आहे. मात्र यापैकी कोणालाही गंभीर इजा झाली नसल्याचं सैन्याकडून सांगण्यात येत आहे.