Aarey Carshed | आरेतील मेट्रो कारशेडच्या विरोधात आंदोलन | मुंबई | ABP Majha

आरे परिसरात होणाऱ्या मेट्रोला विरोध दर्शनवण्यासाठी आज एमएमआरसी कार्यालयासमोर आरे बचावचा नारा देत स्थानिक आणि पर्यावरण प्रेमींनी निदर्शनं केली. तर दुसऱ्या बाजूला आरे परिसरात मेट्रो झालीच पाहिजे या मागणीसाठी काही स्थानिकांनी याठिकाणी घोषणाबाजी केली. यावेळी कोणताही अनुचित प्रकार घडू नये म्हणून मोठा पोलिस बंदोबस्त तैनात करण्यात आलाय. आरे परिसरातील जंगल उद्ध्वस्त करण्याचा डाव मुंबई महापालिका, एमएमआरसी आणि सरकारचा असल्याचा आरोप आंदोलकांनी केलाय. तर मेट्रोमुळे विकासाला चालना मिळेल, असं म्हणत काहींनी समर्थनात जोरदार घोषणाबाजीही केली.