मुंबई : अॅप्रेंटिसचा रेलरोको : विद्यार्थ्यांच्या आंदोलनात मनसेचीही उडी

रेल्वेभरतीतील गोंधळाविरोधात अॅप्रेंटिसच्या विद्यार्थ्यांनी आक्रमक पवित्रा घेत, मध्य रेल्वे ठप्प केली आहे. पिक अवर्सलाच म्हणजे सकाळी कामावर जाण्याच्या वेळेलाच, अॅप्रेंटिसच्या विद्यार्थ्यांनी अचानक रेल्वे बंद केल्याने, मुंबईकरांचं तुफान हाल होत आहे.

विद्यार्थ्यांनी माटुंगा ते दादर दरम्यान रेल्वे रुळावर ठिय्या मांडला आहे. त्यामुळे लोकलसह बाहेरगावी जाणाऱ्या एक्स्प्रेसही रखडल्या आहेत.

मुंबईतील विद्यार्थ्यांच्या आंदोलनात मनसेनेही उडी घेतली आहे. मनसेचे नेते संदीप देशपांडे सकाळी-घटनास्थळी दाखल झाले आणि विद्यार्थ्यांना पाठिंबा दिला.