मुंबई : मिरारोडमध्ये वृद्ध महिलेवर चोरट्याचा जीवघेणा हल्ला

उच्चभ्रू सोसायटीतल्या एका घरात घुसुन एका चोरट्यानं वृद्ध महिलेवर जीवघेणा हल्ला केला आहे. मिरारोडच्या रामदेव परिसरातल्या राम कृपा सोसायटीमध्ये काल संध्याकाळी 5.30 च्या सुमारास ही घटना घडली. बाथरूमचे ग्रील तोडून हा चोरटा घरात शिरला. यावेळी ६० वर्षीय चंद्रा दास गुप्ता या घरात एकट्याच होत्या. चोरीला विरोध केल्यान या चोरट्यानं त्यांच्यावर हल्ला केला. दरम्यान चंद्रा दास या हल्ल्यात गंभीर जखमी झाल्या असून त्यांना रुग्णालयात दाखल करण्यात आलं आहे.