मुंबई: कुर्ल्यात इमारतीचा भाग कोसळला, पाच जण जखमी

कुर्ला पश्चिमेकडे हलावपूल भागात तीन मजली इमारतीचा भाग कोसळला. या दुर्घटनेत कोणतीही जीवितहानी झालेली नाही. मात्र पाच जण जखमी असल्याचं समजतं. दुपारी २.५६ वाजण्याच्या सुमारास ही घटना घडली.
भूषण भवन असे या इमारतीचे नाव आहे. तळमजळा आणि वर तीन मजले असलेल्या या इमारतीच्या बाल्कनीचा भाग कोसळला. ही इमारत खूप जीर्ण झाली होती. १९५८ साली ही इमारत बांधण्यात आली होती. मुंबईत सलग दोन दिवस मुसळधार पाऊस कोसळत आहे. परिणामी हा जीर्ण झालेला इमारतीचा भाग कोसळला. अग्निशमन दल आणि पोलीस तातडीने घटनास्थळी पोहोचले.