नवी दिल्ली : सरकारची तेल कंपन्यांसोबत बैठक, दिलासा मिळणार?

नवी दिल्ली : पेट्रोल आणि डिझेलच्या वाढत्या दरांचा केंद्र सरकारने धसका घेतला आहे. चौफेर टीकेची झोड उठल्यानंतर पेट्रोलियम मंत्री धर्मेंद्र प्रधान यांनी तेल कंपन्यांची बैठक बोलावली आहे. या बैठकीला सर्व तेल कंपन्यांचे चेअरमन उपस्थित असतील.

ग्राहकांना तातडीने दिलासा देण्यासाठीच्या पर्यायांवर या बैठकीत चर्चा होईल. नवी दिल्लीत आज सायंकाळी पाच ते सहा वाजताच्या आसपास ही बैठक होणार आहे. त्यामुळे सरकार काय निर्णय घेतं आणि ग्राहकांना आजच दिलासा मिळतो का, याकडे सर्वांचं लक्ष लागलं आहे.