वॉशिंग्टन : मुंबई हल्ल्याचा सूत्रधार डेव्हिड हेडलीवर अमेरिकेच्या जेलमध्ये जीवघेणा हल्ला

मुंबईतील 26/11 हल्ल्याच्या मुख्य सूत्रधारांपैकी एक असलेल्या डेव्हिड कोलमन हेडली याच्यावर अमेरिकेतील तुरुंगात हल्ला झाला आहे. शिकागोतील तुरुंगात त्याच्यावर 8 जुलै रोजी हल्ला झाला. सध्या हेडलीवर रुग्णालयात उपचार सुरु आहेत. मात्र, त्याची प्रकृती अत्यवस्थ आहे. हेडलीवर 8 जुलैला दोन कैद्यांनी जीवघेणा हल्ला केला. हा हल्ला त्यांनी नेमका का केला, हे मात्र अजूनही समजू शकलेलं नाही. मुंबईतील 26/11 च्या दहशतवादी हल्ल्याप्रकरणी माफीचा साक्षिदार झालेला हेडली सध्या शिकागोतील तुरुंगात शिक्षा भोगत आहे.