उद्या लॉन्च होणार टाटाचे नवीन पिकअप ट्र्क, नवीन फीचर्सने असतील सुसज्ज

Tata Motors Launches New Pickup Truck: टाटा मोटर्स उद्या भारतीय बाजारपेठेत पिकअप ट्रकची एक नवीन सिरीज लॉन्च करणार आहे. कंपनीने आपल्या सोशल मीडिया हँडलवर जारी केलेल्या टीझरद्वारे तीन पिकअप ट्रक बाजारात आणण्याचा खुलासा केला आहे.

tata motors

Tata Motors Launches New Pickup Truck: टाटा मोटर्स उद्या भारतीय बाजारपेठेत पिकअप ट्रकची एक नवीन सिरीज लॉन्च करणार आहे. कंपनीने आपल्या सोशल मीडिया हँडलवर जारी केलेल्या टीझरद्वारे तीन पिकअप ट्रक बाजारात आणण्याचा खुलासा केला आहे. कंपनीने सांगितले आहे की, हे पिकअप ट्रक Ace Gold, Intra V-10, Intra V-30 आणि Yodha पिकअप असतील. नवीन टाटा पिकअप ट्रक नवीन डिझाइन, फीचर्स आणि अपडेटेड तंत्रज्ञानासह येण्याची अपेक्षा आहे.

टीझरमध्ये दिसत असल्याप्रमाणे, नवीन टाटा पिकअप एलईडी लाईट्ससह नवीन हेडलॅम्प डिझाइनसह, पुन्हा डिझाइन केलेले फ्रंट ग्रिल आणि नवीन डिझाइन केलेले बंपरसह येण्याची शक्यता आहे. स्पोर्टी लूकसाठी पिकअपला समोरच्या बाजूला क्रोम स्ट्रिप्स मिळत असल्याचेही टीझरवरून दिसून आले आहे. नवीन मॉडेल नवीन बॉडी डिकल्ससह येण्याची शक्यता आहे.

टाटाच्या नवीन पिकअप ट्रकच्या केबिनबद्दल बोलायचे झाल्यास, त्यात प्रवासी वाहन मॉडेलसह इन-लाइन फीचर्स मिळण्याची शक्यता आहे. नवीन मॉडेल सुधारित डॅशबोर्ड डिझाइन, नवीन सीट अपहोल्स्ट्री, कंफर्ट आणि नवीन फीचरसह येऊ शकते. नवीन पिकअप ट्रकच्या किमतीही जास्त असू शकतात. मिळालेल्या माहितीनुसार, टाटा इलेक्ट्रिक पॉवर असिस्टेड स्टीयरिंग, पॉवर स्टीयरिंग, रिअर स्लाइडिंग विंडोज, मोबाईल चार्जर, बकेट सीट विथ हेडरेस्ट, MID, वाइड ORVM आणि रिव्हर्स पार्किंग असिस्ट यांसारखी फीचर्स मिळू शकतात.

टाटा मोटर्स नवीन पिकअप ट्रकसह अनेक सवलतीच्या ऑफर आणि सुलभ वित्त पर्याय देखील देऊ शकतात. कंपनी नवीन पिकअप रेंजच्या ग्राहकांना कमी EMI सह 100 टक्के फायनान्स पर्याय, मोफत एक वर्षाचा विमा आणि सुलभ कर्ज पर्याय देखील देऊ शकते. नवीन टाटा पिकअप पॉवरफुल इंजिन आणि मायलेजसह येऊ शकते.

टाटा मोटर्सचा व्यावसायिक वाहन सेगमेंटमध्ये 40 टक्क्यांहून अधिक हिस्सा आहे. कंपनी व्यावसायिक वाहन सेगमेंटमध्ये मोठ्या आणि मध्यम आकाराच्या ट्रक आणि पिकअप वाहनांची विक्री करते. टाटा पिकअप वाहने प्रवासी आणि माल या दोन्ही प्रकारात येतात. टाटा मोटर्स पिकअप वाहने मजबूत, उत्कृष्ट कामगिरी आणि मायलेजसाठी ओळखली जातात.

टाटा मोटर्सने उत्पादन क्षमता वाढवण्यासाठी फोर्ड मोटर्सचा साणंद (गुजरात) येथील प्लांट विकत घेतला आहे. टाटा मोटर्सने जाहीर केले आहे की, नवीन प्लांटच्या अधिग्रहणामुळे, कंपनी दर वर्षी अतिरिक्त 3 लाख वाहने तयार करू शकते आणि गरज भासल्यास ती दरवर्षी 4,20,000 युनिट्सपर्यंत वाढविली जाऊ शकते.