Uddhav Thackeray Special Report : संजय राऊतांकडून उद्धव ठाकरेंना साकडं, ठाकरे पुन्हा विधान परिषदेवर?

राज्यात राज्यसभेतील सात सदस्यांच्या निवडणुकीची चर्चा सुरू असतानाच, आत्ता विधान परिषदेतल्या नऊ सदस्य़ांचाही १३ मे ला कार्यकाळ संपणार असल्याची बातमी आली आहे..विशेष म्हणजे या नऊ सदस्यांमध्ये माजी मुख्यमंत्री आणि ठाकरे सेनेचे पक्षप्रमुख उद्धव ठाकरे यांचाही समावेश आहे.... राज्यसभेवर शरद पवार यांना पुन्हा पाठवण्याच्या चर्चेसोबतच आता विधानपरिषदेवर उद्धव ठाकरे यांना पुन्हा पाठवण्याची चर्चा ही आत्तापासूनच पेरली गेलीय.. घेऊयात या संख्याबळाच्या राजकारणाचा आढावा...

राज्यात निवडणुकांचा धडाका सुरु असताना..

मे महिन्यात रिक्त होणाऱ्या 

विधानपरिषदेच्या ९ जागांसाठीच्या निवडणुकीची चर्चा सुरु झालीय..

आता तुम्ही म्हणाल की आता कुठे फेब्रुवारी सुरुय..

आणखी तीन महिन्यांनंतर होणाऱ्या निवडणुकीची कोण चर्चा करतंय..

झेडपीचा धुरळा उडलेला असताना..

त्याचा गुलाल उधळण्याआधीच..

मे महिन्यात होवू घातलेल्या निवडणुकांची कोण चर्चा करतंय..

 

 

तर हे असंय मंडळी...

१३ मे रोजी विधान परिषदेच्या ९ आमदारांचा कार्यकाळ पूर्ण होतोय...

त्यात माजी मुख्यमंत्री आणि ठाकरेसेनेचे पक्षप्रमुख उद्धव ठाकरे यांचाही समावेश आहे..

त्यामुळे उद्धव ठाकरे पुन्हा विधान परिषदेवर जाणार का? 

हा सवाल उपस्थित होण्याआधीच.. 

संजय राऊतांनी ठाकरेंना विनवणी केलीये...

आता खरी गंमत आहे..

ठाकरेंकडे आमदार आहेत २०...

आणि आपल्या विधान परिषदेच्या आमदारकीसाठी..

विधानसभेतील साधारणपणे २९ आमदारांकडून पहिल्या पसंतीची मतं अपेक्षित आहेत..

म्हणजे ठाकरेंना आमदार व्हायचं असेल तर त्यांच्या २० आमदारांची मतं पुरेशी नाहीत..

म्हणूनच की काय..

राऊतांनी मविआच्या संख्याबळाचा उल्लेख केलाय...

पण, विधान परिषदेचे माजी विरोधी पक्षनेते 

आणि ठाकरेंच्या सेनेचे उपनेते अंबादास दानवेंची प्रतिक्रिया..

ही त्याहून जास्त बोलकी ठरली..