Delhi Crime Special Report : दिल्ली ॲसिड हल्ला प्रकरणात मोठा खुलासा, कुणी रचला बनाव?

दिल्लीतील (Delhi) ॲसिड हल्ल्याच्या (Acid Attack) प्रकरणाला एक नाट्यमय वळण मिळाले असून, हा हल्ला बनावट असल्याचे पोलीस तपासात उघड झाले आहे. विद्यार्थिनीचे वडील अखिल खान (Akhil Khan) यांनीच जुना वाद चुकवण्यासाठी हा कट रचल्याचे समोर आले आहे. तीन तरुणांना या प्रकरणात फसविण्यासाठी हा हल्ल्याचा कट रचल्याची कबुली मुलीचे वडील अखिल खान यांनी दिली आहे. या कटामागे एक जुना वाद असल्याचे म्हटले जाते; जितेंद्र नावाच्या व्यक्तीच्या पत्नीने अखिल खान यांच्याविरोधात बलात्काराचा गुन्हा दाखल केला होता. याच रागातून खान यांनी जितेंद्रसह ईशान आणि अरमान या दोघांना अडकवण्यासाठी आपल्या मुलीच्या मदतीने हा बनाव रचला. तपासात असेही समोर आले आहे की, हल्ल्यासाठी ॲसिड नाही, तर टॉयलेट क्लीनरचा (Toilet Cleaner) वापर करण्यात आला होता. दिल्ली पोलिसांनी (Delhi Police) वडील अखिल खान यांना अटक केली असून त्यांच्यावर गुन्हेगारी कट रचल्याप्रकरणी कठोर कारवाईची तयारी सुरू केली आहे.