स्मशानात 378 अंत्यसंस्कार अन् आरोग्य विभागात 273ची नोंद! बीड आरोग्य विभागाने लपवले 105 कोरोनाबळी?

बीड :  बीडमध्ये एप्रिल महिन्यात कोरोनामुळे मृत्यू झालेल्यांच्या संखेत मोठी तफावत आढळून आल्याची धक्कादायक माहिती समोर आली आहे. त्यामुळे आरोग्य विभागाकडून मृत्यूचा आकडा लपवला जातोय का? असा सवाल उपस्थित झाला आहे. 

कोरोना रूग्ण मयत झाला अथवा कोरोनामुक्त झाला, त्यांनी तात्काळ माहिती आयसीएमआरच्या पोर्टलवर अपडेट करणे बंधनकारक आहे. परंतु काही संस्था ती अपडेट करण्यास दुर्लक्ष करतात. असे असले तरी 5 ते 10 मृत्यूचा फरक येऊ शकतो. परंतु या एकाच महिन्यात तब्बल 105 मृत्यूची तफावत आल्याने अश्चर्य व्यक्त होत आहे.