एक्स्प्लोर

Vivo चा बजेट फ्रेंडली 5G स्मार्टफोन भारतात लॉन्च, 50MP कॅमेरा आणि 8GB RAM फक्त 'या' किंमतीत उपलब्ध

Vivo Y56 5G Launch : नवीन लॉन्च केलेल्या Vivo Y56 5G मध्ये, तुम्हाला 6.58-इंचाचा फुल एचडी प्लस एलसीडी डिस्प्ले देण्यात आला आहे.

Written By : एबीपी माझा वेब टीम | Edited By: प्रिया मोहिते | Updated at : 18 Feb 2023 02:11 PM (IST)

Vivo Y56 5G Launch

Vivo Y56 5G Launch : स्मार्टफोन ब्रँड कंपनी Vivo चे अनेक चाहते आहेत. तुम्हीसुद्धा Vivo चे फॅन असाल तर तुमच्यासाठी चांगली बातमी आहे. याचं कारण म्हणजे Vivo ने आपली Y-सिरीज वाढवली आहे. या सीरिजमध्ये Vivo ने आणखी एक नवीन स्मार्टफोन Vivo Y56 5G लॉन्च केला आहे. हा स्मार्टफोन भारतात लॉन्च करण्यात आला आहे. नव्यानेच लॉन्च झालेल्या स्मार्टफोनमध्ये MediaTek Dimensity 700 प्रोसेसर आणि 5000mAh मजबूत बॅटरी देण्यात आली आहे. कॅमेराबद्दल बोलायचे झाल्यास या स्मार्टफोनमध्ये तुम्हाला 50MP चा कॅमेरा मिळेल. Vivo Y56 5G स्मार्टफोनमध्ये आणखी कोणते फिचर्स आहेत ते जाणून घ्या.

VIVO Y56 5G चे स्पेसिफिकेशन :

डिस्प्ले : 6.58 इंच LCD डिस्प्ले
प्रोसेसर : मीडियाटेक डायमेन्सिटी 700 ऑक्टा-कोर प्रोसेसर G52 GPU सह
रॅम : 8 जीबी रॅम
मागील कॅमेरा : 50MP मुख्य लेन्स आणि 2MP बोकेह सेन्सर
फ्रंट कॅमेरा : 16MP सेल्फी कॅमेरा
बॅटरी : 5000mAh बॅटरी
चार्जिंग : 18W फास्ट चार्जिंग
ऑपरेटिंग सिस्टम : Android 13 आधारित FunTouchOS 13
सुरक्षा : फिंगरप्रिंट स्कॅनर

नवीन लॉन्च केलेल्या Vivo Y56 5G मध्ये, तुम्हाला 6.58-इंचाचा फुल एचडी प्लस एलसीडी डिस्प्ले मिळतो, ज्याचे रिझोल्यूशन 2408×1080 पिक्सेल आणि 20:9 चा आस्पेक्ट रेशो आहे. या स्मार्टफोनची चांगली गोष्ट म्हणजे तुम्ही त्याची रॅम वाढवू शकता. कनेक्टिव्हिटीबद्दल बोलायचे झाले तर स्मार्टफोनमध्ये यूएसबी टाईप-सी पोर्ट, ब्लूटूथ, ड्युअल सिम, वाय-फाय, जीपीएस आणि 3.5 मिमी हेडफोन जॅक सारखे फीचर्स देण्यात आले आहेत.

VIVO Y56 5G ची किंमत किती?

हा स्मार्टफोन मिड रेंज कॅटेगरीत बाजारात लॉन्च करण्यात आला आहे. स्मार्टफोनच्या किंमतीबाबत बोलायचे झाल्यास याची किंमत 19,999 रुपये आहे. या किमतीत 8GB रॅम+128GB स्टोरेज असलेले व्हेरिएंट उपलब्ध आहे. हा स्मार्टफोन ऑरेंज शायनर आणि ब्लॅक इंजिन कलर ऑप्शनमध्ये लॉन्च करण्यात आला आहे. तुम्ही कंपनीच्या अधिकृत वेबसाईट आणि रिटेल स्टोअरवरुन हा स्मार्टफोन खरेदी करु शकता.

Infinix NOTE 12i झाला स्वस्त

Infinix NOTE 12i ची किंमत सध्या Flipkart वर 9,999 रुपये आहे. या स्मार्टफोनमध्ये तुम्हाला 4GB रॅम आणि 64GB इंटर्नल स्टोरेज दिलं आहे. स्मार्टफोनमध्ये 6.7-इंचाचा फुल एचडी प्लस AMOLED डिस्प्ले, 50-मेगापिक्सलचा मुख्य कॅमेरा आणि समोर 8-मेगापिक्सेल कॅमेरा आहे.

महत्त्वाच्या बातम्या :

फक्त 20 मिनिटांत पूर्ण चार्ज होणारा iQOO Neo 7 स्मार्टफोन भारतात झाला लॉन्च; फोनवर मिळतेय 'इतकी' सूट

Published at : 18 Feb 2023 02:11 PM (IST)

Tags :

Technology Smartphone Vivo Mobile VIVO Y56 5G