Samsung Galaxy XCover 7 : यूएस मिलिट्री सर्टिफाईड पहिला स्मार्टफोन भारतात लॉन्च; सॅमसंगच्या या फोनची 'ही' आहे खासियत

Samsung Galaxy XCover 7 : सॅमसंगने भारतात एक नवीन स्मार्टफोन लॉन्च केला आहे, जो सामान्य स्मार्टफोन नसून यूएस आर्मीकडून प्रमाणपत्र मिळालेला स्मार्टफोन आहे.

Samsung Galaxy XCover 7

Samsung Galaxy XCover 7 : सॅमसंग (Samsung) कंपनी नेहमीच आपल्या ग्राहकांसाठी नवीन अपडेट घेऊन येत असते. Samsung ने यावेळेस भारतात आपला नवीन स्मार्टफोन  Samsung Galaxy XCover 7 लॉन्च केला आहे. हा सॅमसंगचा भारतातील पहिला एंटरप्राइज-केंद्रित आणि रग्ड स्मार्टफोन आहे. या स्मार्टफोनचं सर्वात खास वैशिष्ट्य म्हणजे तुम्ही हा अत्यंत कठीण परिस्थिती जसे की, पठारी भागात, डोंगराळ भागात याचा वापर अगदी सहजपणे करू शकता. हा स्मार्टफोन विशेषत: सैन्यांसाठी बनविण्यात आला आहे. हा स्मार्टफोन MIL-STD-810H द्वारे प्रमाणित आहे, जे यूएस सैन्याद्वारे डिव्हाईसची ताकद मोजण्यासाठी वापरले जाणारे एक टेस्टिंग स्टॅंडर्ड आहे. 

सॅमसंगने खास फोन लाँच केला

Samsung Galaxy XCover 7 चा हा स्मार्टफोन जानेवारी 2024 मध्ये जागतिक स्तरावर लॉन्च करण्यात आला होता. पण, आता तो भारतातही लॉन्च करण्यात आला आहे. सॅमसंगने हा स्मार्टफोन भारतात स्टँडर्ड आणि एंटरप्राइज एडिशन या दोन व्हर्जनमध्ये लॉन्च केला आहे. या दोन स्मार्टफोनची किंमत अनुक्रमे 27,208 रुपये आणि 27,530 रुपये आहे. Galaxy Xcover 7 रग्ड स्मार्टफोन सॅमसंगच्या ऑनलाईन स्टोअर आणि सॅमसंग कॉर्पोरेट स्टोअर्सद्वारे विक्रीसाठी उपलब्ध असणार आहे. 

सॅमसंग यूजर्स पोर्टलला भेट देऊन मोठ्या प्रमाणात या स्मार्टफोनची ऑर्डर देऊ शकतात. तसेच, कंपनीकडून Galaxy XCover 7 Enterprise Edition वर Knox Suite ची 12 महिन्यांची मोफत मेंबरशीप देखील देण्यात आली आहे. या स्मार्टफोनच्या स्टॅंडर्ड व्हेरिएंटची एक वर्षाची वॉरंटी देण्यात आली आहे. तर, एंटरप्राइझ संस्करण 2 वर्षांच्या वॉरंटीसह येतो.

या फोनचे स्पेसिफिकेशन्स

डिस्प्ले : या फोनमध्ये 6.6 इंच TFT LCD स्क्रीन आहे, जी फुल एचडी प्लस रिझोल्यूशन, 60Hz रिफ्रेश रेट आणि कॉर्निंग गोरिल्ला ग्लास व्हिक्टस प्लस संरक्षणासह येते.

कॅमेरा : या फोनच्या मागील भागात LED फ्लॅशसह 50MP रियर कॅमेरा सेंसर आहे. फोनच्या पुढील भागात 5MP फ्रंट कॅमेरा देण्यात आला आहे.

प्रोसेसर : या फोनमध्ये प्रोसेसरसाठी MediaTek Dimensity 6100+ SoC चिपसेट आहे, जो ग्राफिक्ससाठी Mali G57 GPU सपोर्टसह येतो.

सॉफ्टवेअर : हा फोन Android 14 वर आधारित OneUI वर चालतो.

बॅटरी : या फोनमध्ये 4050mAh बदलण्यायोग्य बॅटरी आहे, जी 15W जलद चार्जिंगसह येते. या फोनमध्ये USB Type-C पोर्ट आणि चार्जिंगसाठी POGO पिन आहेत.

कनेक्टिव्हिटी : या फोनमध्ये ड्युअल-सिम (नॅनो + eSIM), 5G, WiFi 5, Wi-Fi Direct, Bluetooth 5.3, NFC, GPS, GLONASS, Galileo सारखी अनेक वैशिष्ट्ये आहेत.

महत्त्वाच्या बातम्या :