Aishwarya Narkar Slams Troll: 'निदान कॅमेरासमोर तरी पूर्ण कपडे घालून योगा करत जा मॅडम...'; युजरची कमेंट पाहून ऐश्वर्या नारकर भडकल्या, सडेतोड उत्तर देत म्हणाल्या...
Aishwarya Narkar Slams Troll: ऐश्वर्या नारकर यांनी योगसाधनेचा एक व्हिडीओ त्यांच्या इन्स्टा हँडलवर शेअर केला होता. या व्हिडीओवर एका नेटकऱ्यानं कमेंट करत त्यांना ट्रोल केलंय.
Aishwarya Narkar Slams Troll: अभिनेत्री ऐश्वर्या नारकर (Actress Aishwarya Narkar) यांनी टीव्ही मालिकांपासून (TV Serials) ते मराठी चित्रपटांपर्यंतच्या (Marathi Movies) क्षेत्रात स्वतःचं एक वेगळं स्थान निर्माण केलंय. आज जरी त्या प्रत्येक इव्हेंटमध्ये दिसून येत नसल्या तरीसुद्धा सोशल मीडियावर मात्र त्या अत्यंत सक्रिय असतात. वयाच्या 50 व्या वर्षीही ही मराठमोळी अभिनेत्री आपल्या फिटनेसकडे विशेष लक्ष देते. याच कारणामुळे त्या पन्नाशी ओलांडूनही त्या 25 वर्षांच्या तरुणीसारख्या दिसतात. अभिनयासोबतच त्या सोशल मीडियावरच्या त्यांच्या व्हिडीओंमुळेही चर्चेत असतात. यासोबतच ऐश्वर्या नारकर यांना मोठ्या प्रमाणावर ट्रोलिंगचाही सामना करावा लागतो.
नुकतंच ऐश्वर्या नारकर यांनी योगसाधनेचा एक व्हिडीओ त्यांच्या इन्स्टा हँडलवर शेअर केला होता. या व्हिडीओवर एका नेटकऱ्यानं फारच विचित्र कमेंट केली. त्यावर ऐश्वर्या नारकर यांनी दिलेलं उत्तर चर्चेत आहे.
नेमकं घडलं काय?
मराठी अभिनेत्री ऐश्वर्या नारकर यांनी त्यांच्या इन्स्टाग्रामवर योगसाधनेचा एक व्हिडीओ शेअर केलेला. अनेकांनी त्यांच्या व्हिडीओवर लाईक्स आणि कमेंट्सचा वर्षाव केला. पण काही महाभागांनी कमेंट करुन ऐश्वर्या नारकर यांना ट्रोल केलं. एकानं कमेंट करत लिहिलं की, "निदान कॅमेरासमोर तरी फूल कपडे घालून योगा करत जा मॅडम..."
ऐश्वर्या नारकर यांनी युजरची ही कमेंट शेअर केली आहे. तसेच, ती कमेंट शेअर करुन उत्तर दिलं आहे की, "बुरसटलेले विचार सोडा, तुमचा फोकस का हलतोय?" यावर त्या युजरनं ऐश्वर्या नारकर यांना पर्सनलवर मेसेज केला आणि सांगितलं की, "याला तुम्ही बुरसटलेले विचार म्हणत असाल तर तुमच्या अकलेची कीव करावीशी वाटते, व्हिडीओला views वाढवण्यासाठी असे कपडे घालून व्हिडीओ बनवता?" यावरुन मात्र ऐश्वर्या नारकर चांगल्याच संतापल्या. आता मात्र, त्यांची तळपायाची आग मस्तकात गेली.
"तुमच्या अशा कपड्यांमुळे लहान मुलं बिघडतात त्याचं काय करायचं?"
ऐश्वर्या नारकर यांनी उत्तर दिलं की, "मुद्दा वयोमानाचा आहे. कोणी काय कपडे घालावेत, हा व्यक्तीगत प्रश्न आहे. तुमच्या स्टेटमेंटवरुन अक्कल कळतेच आहे..." ऐश्वर्या नारकरांच्या या कमेंटवर त्या युजरनं पुन्हा उत्तर दिलं. तो म्हणाला की, "कोणते कपडे घालायचे हा प्रत्येकाचा वैयक्तिक प्रश्न आहे. पण तुमच्या अशा कपड्यांमुळे लहान मुलं बिघडतात त्याचं काय करायचं?" आता मात्र, ऐश्वर्या नारकर यांनी थेट उत्तर देऊनच टाकलं. त्यांनी सांगितलं की, "त्यांना व्यायाम करायला शिकवा. म्हणजे विचारांचा समतोल येईल आणि डोकं शाबुत राहिल. नाहीतर तुमच्यासारखंच होणार मोठे होऊन..." यावर मात्र, त्या युजरनं शांत बसणंच योग्य समजलं. त्यानंतर त्यानं कोणताही मेसेज केलेला नाही.
दरम्यान, ऐश्वर्या नारकरांना आलेला हा अनुभव काही पहिला नाही. यापूर्वीही त्यांना अनेकदा ट्रोलिंगचा सामना करावा लागला आहे. त्यावेळीही ऐश्वर्या नारकर यांनी सडेतोड उत्तर देऊन सर्वांची बोलती बंद केलेली. अनेकदा ऐश्वर्या नारकर त्यांचे पती अभिनेते अविनाश नारकर यांच्यासोबत डान्स व्हिडीओ शेअर करत असतात. त्यावेळीही दोघांना मोठ्या ट्रोलिंगचा सामना करावा लागतो.
महत्त्वाच्या इतर बातम्या :
Before You Go
Arjun Tendulkar Weds Saaniya Chandhok : अर्जुन-सानिया लग्नबंधनात ! स्टायलिश लूकने वेधलं लक्ष
महत्त्वाच्या बातम्या
