Tech News : OpenAI लॉन्च केलं ChatGPT स्टोअर, स्वतःचा चॅटबॉट तयार करून पैसे कमवण्याची संधी
Tech News : ओपन एआयने अखेर चॅट जीपीटी स्टोअर लाँच केले आहे. परंतु हे प्रत्येकासाठी उपलब्ध नाही. जाणून घ्या त्याची खासियत काय आहे आणि तुम्ही त्याचा वापर कसा करू शकाल.
मुंबई : OpenAI ने चॅट GPT स्टोअर लॉन्च केले आहे. परंतु प्रत्येकजण याचा वापर करु शकत नाही. चॅट जीपीटी स्टोअर वापरण्यासाठी, तुम्हाला चॅट जीपीटी प्लस किंवा चॅट जीपीटी टीमचं सब्सक्रिप्शन घ्यावं लागेल. चॅट जीपीटी स्टोअर हे Google Playstore आणि Apple च्या Appstore सारखे आहे जिथे तुम्हाला वेगवेगळ्या उद्देशांसाठी वेगवेगळे अॅप्स मिळतील.
सध्या चॅट GPT स्टोअरमध्ये विनामूल्य वापरण्यासाठी उपलब्ध आहेत ऑलट्रेल्सचे ट्रेल शिफारस करणारे, खान अकादमीचे कोड ट्यूटर आणि कॅनव्हा मधील सामग्री डिझाइनर. येत्या काळात त्यात आणखी जीपीटी जोडल्या जातील. GPTs स्टोअरवरील अॅप्स Open AI च्या टेक्स्ट-आधारित GPT-4 आणि इमेज जनरेटिंग मॉडेल DALL-E 3 वर आधारित आहेत. तुम्ही कम्युनिटी लीडर बोर्डवरील लोकप्रिय GPT मध्ये एक्सेस करु शकता. यामध्ये तुम्ही लाईफस्टाईल, लेखन, रिसर्च यांप्रमाणे लिस्ट करण्यात आले आहे. या माध्यमातून तुम्हाला पैसे कमवण्याची संधी देखील उपलब्ध होणार आहे.
तुमचे स्वतःचे GPT तयार करणे आहे खूप सोपे
तुमचा स्वतःचा GPT तयार करण्यासाठी तुम्हाला कोडिंग वगैरेची गरज नाही. अगदी सामान्य माणूसही ते करू शकतो. यासाठी तुम्हाला Open AI चे GPT बिल्डर टूल वापरावे लागेल आणि तुम्हाला कोणत्या प्रकारचे अॅप हवे आहे, जसे की डिझायनिंगसाठी, स्वयंपाकात मदत करण्यासाठी इत्यादी सोप्या भाषेत सांगावे लागेल. GPT बिल्डर तुमच्यासाठी झटपट एक AI समर्थित चॅटबॉट तयार करेल.
OpenAI च्या स्टोअरमध्ये त्यांचे GPT सबमिट करण्यासाठी, डेवलपर्सना त्यांचे युजर प्रोफाईल तयार करावे लागेल. त्यानंतर GPTs OpenAI मध्ये रिव्ह्यू सिस्टमध्ये ते जमा करावे लागेल. ज्यामध्ये GPT कंपनीच्या सर्व नियमांचे पालन करते की नाही हे तपासण्यासाठी मानवी आणि स्वयंचलित रिव्ह्यू समाविष्ट करण्यात आले आहे. लक्षात ठेवा, GPTs मधील सर्व डेटा पूर्णपणे सुरक्षित असेल आणि निर्माते त्यात एक्सेस करु शकतील. याचा अर्थ असा की विकासकांना GPTs मध्ये कोणताही युजर्स आहे की नाही हे कळणार नाही आणि वापरकर्त्यांचा डेटा देखील पूर्णपणे सुरक्षित राहील.
हेही वाचा :
महत्त्वाच्या बातम्या
ट्रेंडिंग न्यूज
