Yuzvendra Chahal : धनश्री-युजवेंद्रच्या ब्रेकअपची चर्चा सुरु असताना युजवेंद्रने शेअर केली रोमँटिक रील, पाहा VIDEO
Chahal and Dhanashree: युजवेंद्र चहलने त्याच्या इन्स्टाग्रामवर एक रील शेअर केली असून यामध्ये तो आणि पत्नी धनश्री दोघेही मजा-मस्ती करताना दिसत आहेत.
Yuzvendra Chahal and Dhanashree Verma : भारताचा आघाडीचा फिरकीपटू युजवेंद्र चहल (Yuzvendra Chahal) आणि त्याची पत्नी धनश्री चहल (Dhanashree Chahal) यांच्या ब्रेक-अपच्या चर्चांना मागील काही दिवसांपासून उधाण आलं होतं. धनश्रीनं इन्स्टाग्रामवरुन चहल नाव काढल्यानंतर या चर्चा आणखी वाढल्या. पण असं सर्व सुरु असताना आता युजवेंद्रने एक अतिशय रोमँटिक रिल त्याच्या इन्स्टाग्रामवर शेअर केली आहे.
यामध्ये युजवेंद्रने धनश्रीलाही टॅग केलं आहे. या व्हिडीओमध्ये दोघेही अगदी आपले प्रेमाचे क्षण घालवत मजा-मस्ती करताना दिसत आहेत. या व्हिडीओला कॅप्शन देताना चहलनं लिहिलं आहे, 'माझी खरी ताकद तूच (धनश्री) आहेस.' प्रसिद्ध गायिका नेहा कक्कर हिनेही या व्हिडीओवर इमोजी टाईप करत कमेंट केली आहे.
पाहा व्हिडिओ-
View this post on Instagram
भारताचा स्टार फिरकीपटू
युजवेंद्र चहलने आतापर्यंत 246 टी20 सामन्यात 280 विकेट्स घेतल्या आहेत. आंतरराष्ट्रीय क्रिकेटमध्ये विकेट्सचा विचार करता चहलने भारतासाठी 58 टी20 आंतरराष्ट्रीय सामन्यात 74 विकेट्स घेतल्या असून आयपीएलमध्ये 131 सामन्यात 166 विकेट्स घेतल्या आहेत. तर स्थानिक टी20 क्रिकेटमध्येही त्याने 40 विकेट्स घेतल्या आहेत. यंदाच्या आयपीएलच्या 15 व्या हंगामात त्यांनी 17 सामन्यात 19.51 च्या सरासरीने आणि 7.75 च्या इकॉनॉमीने 27 विकेट्स घेत पर्पल कॅप मिळवली. आता या कमाल फॉर्ममुळे चहल आगामी आयसीसी टी20 विश्वचषकातही (ICC T20 WorldCup) सिलेक्ट होऊ शकतो.
हे देखील वाचा-
- T20 World Cup 2022 : आगामी टी20 विश्वचषकासाठी युएईने जाहीर केला संघ, 15 सदस्यीय संघाची धुरा रिजवानकडे
- Impact Player Rule : आता आयपीएलमध्ये 11 नाही, तर 15 खेळाडूंना घेऊन मैदानात उतरणार संघ, बीसीसीआय नवा नियम लागू करण्याच्या तयारीत, वाचा सविस्तर
महत्त्वाच्या बातम्या
ट्रेंडिंग न्यूज
