Thailand Open 2022 : पीव्ही सिंधूची चमकदार कामगिरी, थायलंड ओपनच्या उपांत्य फेरीत धडक

PV Sindhu : भारताची आघाडीची बॅडमिंटनपटू पीव्ही सिंधूने थायलंड ओपनमध्ये जपानच्या अकाने यामागुची हिला मात देत उपांत्य फेरीत धडक घेतली आहे.

Written By : एबीपी माझा वेब टीम | Edited By: शशांक पाटील | Updated at : 20 May 2022 05:36 PM (IST)

पीव्ही सिंधू

Sindhu in Thailand Open : भारताच्या पुरुष बॅडमिंटन(Badminton) संघाने नुकतीच ऐतिहासिक कामगिरीक करत थॉमस कपवर (Thomas Cup) नाव कोरलं. त्यानंतर आता महिला बॅडमिंटनपटू पीव्ही सिंधू (PV Sindhu) हिने थायलंड ओपन 2022 (Thailand Open 2022) स्पर्धेत दमदार कामगिरी करत उपांत्य फेरीपर्यंत (Semi Final) धडक घेतली आहे. तिने जपानची बॅडमिंटनपटू अकाने यामागुची (Akane Yamaguchi) हिला मात देत उपांत्य फेरीत धडक घेतली आहे.

भारताला दोन वेळा ऑलिम्पिक पदक (Olympic Medal) मिळवून देणाऱ्या सिंधूने आपली चमकदार कामगिरी अजूनही सुरु ठेवली आहे. टोकियो ऑलिम्पिक्समध्ये (tokyo olympics 2021) सिंधूने कांस्य पदकावर नाव कोरलं. तिने आपली दमदार कामगिरी कायम ठेवली असून थायलंडच्या बँकॉकमध्ये सुरु असलेल्या थायलंड ओपनमध्ये तिने सेमीफायनलपर्यंत मजल मारली आहे.

असा पार पडला सामना

थायलंड ओपनच्या उपांत्य पूर्व फेरीत अर्थात क्वॉर्टर फायनलमध्ये (Quarter Final) सिंधूने जपानच्या अकाने यामागुचीला मात देत सेमीफायनलमध्ये एन्ट्री मारली आहे. शुक्रवारी 1 नंबर कोर्टावर झालेल्या या सामन्यात तीन सेट्स झाले. ज्यातील दोन सेट्समध्ये विजय मिळवत सिंधूने सेमीफायनमध्ये एन्ट्री घेतली आहे. सर्वात आधी पहिल्या सेटमध्ये सिंधूने सुरुवातीपासून आपला दबदबा कायम ठेवत 21-15 च्या फरकाने सेट जिंकला. त्यानंतर दुसऱ्या सेटमध्ये जपानच्या अकाने हिने पुनरागमन करत 20-22 च्या फरकाने सेट जिंकला. पण अखेरच्या सेटमध्ये सिंधूने दमदार कामगिरी करत निर्णायत सेट 21-13 या चांगल्या फरकाने आपल्या नावे करत सामनाही नावे केला.

हे देखील वाचा-