Shikhar Dhawan, Punjab Kings IPL 2024 : इकडं शिखर धवन मैदानात परतला, तिकडं पंजाबने रणनीती बदलली; डोकेदुखी कोणाची वाढणार?

शिखर धवनने (Shikhar Dhawan IPL 2024) आयपीएल 2024 साठी तयारी सुरू केली आहे. नुकताच तो फलंदाजीचा सराव करताना दिसला. पंजाब किंग्सने धवनचा व्हिडिओ शेअर केला आहे.

Shikhar Dhawan, Punjab Kings IPL 2024

Shikhar Dhawan IPL 2024 : इंडियन प्रीमियर लीग 2024 ची तयारी सुरू झाली आहे. संघांसोबतच खेळाडूही सज्ज झाले आहेत. या यादीत शिखर धवनचाही समावेश झाला आहे. शिखर धवनने (Shikhar Dhawan IPL 2024) आयपीएल 2024 साठी तयारी सुरू केली आहे. नुकताच तो फलंदाजीचा सराव करताना दिसला. पंजाब किंग्सने धवनचा व्हिडिओ शेअर केला आहे. गेल्या मोसमात धवनने 3 अर्धशतकांच्या मदतीने 373 धावा केल्या होत्या.

वास्तविक पंजाबने ट्विटरवर एक व्हिडिओ शेअर केला आहे. यामध्ये शिखर धवन फलंदाजीचा सराव करताना दिसत आहे. आयपीएलच्या पुढील हंगामात धवन एका नव्या स्टाईलमध्ये दिसणार आहे. पंजाबचा संघ मागील हंगामात विशेष काही करू शकला नाही. पंजाबचा संघ गुणतालिकेत केवळ 8 व्या क्रमांकावर होता. आयपीएल 2023 मध्ये धवनने 11 सामने खेळले. या कालावधीत 373 धावा झाल्या. धवनने तीन अर्धशतके झळकावली होती.

लिलावात पंजाब संघ गोलंदाजांवर लक्ष केंद्रित करण्याची शक्यता 

दरम्यान, IPL 2024 चा लिलाव 19 डिसेंबर रोजी दुबईमध्ये होणार आहे. या मिनी लिलावात अनेक भारतीय खेळाडू सहभागी होणार आहेत. संघांनी लिलावापूर्वी खेळाडू रिलीज आणि कायम ठेवलेल्यांची यादी जाहीर केली आहे. इंडियन प्रीमियर लीग 2024 चा लिलाव 19 डिसेंबर रोजी दुबई येथे होणार आहे. यासाठी सर्व फ्रँचायझी सज्ज आहेत. मिनी लिलावात एकूण 333 खेळाडू सहभागी होणार आहेत. त्यात 214 भारतीय खेळाडू आहेत. पंजाब संघ यावेळी गोलंदाजांवर लक्ष केंद्रित करू शकतात. कागिसो रबाडा आणि अर्शदीप सिंग यांच्याशिवाय कोणताही मोठा गोलंदाज नाही. अर्शदीपही तरुण आहे.

पंजाबच्या रिटेन  खेळाडूंच्या यादीवर नजर टाकली तर कागिसो रबाडा, अर्शदीप सिंग, हरप्रीत ब्रार, नॅथन एलिस, राहुल चहर आणि विद्वत कावेरप्पा यांना गोलंदाज म्हणून संधी देण्यात आली आहे. सॅम करन हा चांगला अष्टपैलू खेळाडू आहे. गोलंदाजीतही तो महत्त्वाची भूमिका बजावू शकतो. पण तरीही संघाला गोलंदाजांची गरज भासू शकते. पंजाबकडे 2 परदेशी खेळाडूंसह एकूण 8 स्लॉट उपलब्ध आहेत. त्यांच्या पर्समध्ये जवळपास 29.10 कोटी रुपये आहेत. पंजाब शार्दुल ठाकूरवर बोली लावू शकतो. शार्दुलसोबत वानिंदू हसरंगा हाही चांगला पर्याय ठरू शकतो. शार्दुलबद्दल बोलायचे झाले तर तो आयपीएलमध्ये 86 सामने खेळला आहे. या कालावधीत 89 विकेट्स घेतल्या आहेत. शार्दुलची एका सामन्यातील सर्वोत्तम कामगिरी म्हणजे 36 धावांत 4 विकेट्स. 

श्रीलंकेचा क्रिकेटपटू हसरंगाही पंजाबसाठी चांगला पर्याय ठरू शकतो. त्याने 26 आयपीएल सामन्यात 35 विकेट घेतल्या आहेत. या काळात एका सामन्यात 18 धावांत 5 बळी घेणे ही सर्वोत्तम कामगिरी ठरली आहे. हसरंगाचा टी-20 इंटरनॅशनलमध्येही चांगला रेकॉर्ड आहे. त्याने 58 सामन्यात 91 विकेट घेतल्या आहेत. आयपीएलच्या पुढील हंगामात हसरंगा चमत्कार घडवू शकतो. संघ त्यांच्यावर मोठ्या बोली देखील लावू शकतात.

इतर महत्वाच्या बातम्या