Paris Olympics 2024: भारतीय खेळाडूंना विराट कोहलीचा खास मेसेज...; पॅरिस ऑलिम्पिकसाठी दिल्या शुभच्छा

Paris Olympics 2024: विराट कोहलीने व्हिडीओ शेअर करून पॅरिस ऑलिम्पिकसाठी भारतीय खेळाडूंना खास मेसेज दिला आहे.

virat_kohli

Source : virat_kohli

Paris Olympics 2024: पॅरिसमध्ये 2024 मध्ये होणाऱ्या ऑलिम्पिकची स्पर्धा 26 जुलैपासून सुरू होणार आहे.  पॅरिस ऑलिम्पिक 2024 साठी (Paris Olympics 2024) जगभरात तयारी सुरू आहे, ज्यामध्ये भारतातील 120 हून अधिक खेळाडू भाग घेणार आहेत. ऑलिम्पिकसाठी प्रत्येकजण उत्सुक दिसत आहे. यामध्ये भारतीय क्रिकेट संघाचा खेळाडू विराट कोहलीचे नावही जोडले गेले आहे. विराट कोहलीने सोशल मीडियाच्या माध्यमातून एक व्हिडीओ शेअर करून पॅरिस ऑलिम्पिकसाठी भारतीय खेळाडूंना खास मेसेज दिला आहे. विराट कोहलीने सुवर्ण, रौप्य आणि कांस्य पदके जिंकण्याबाबतही भाष्य केले. 

विराट कोहली व्हिडीओमध्ये म्हणाला की, भारत...हिंदुस्तान....एक काळ असा होता की, जेव्हा जगभरात भारताला केवळ हत्तींची भूमी म्हणून पाहिले जात होते. हे काळानुसार बदलले आहे. आज आपण सर्वात मोठे आहोत. लोकशाही, जागतिक तंत्रज्ञान केंद्र,  क्रिकेट, एक स्टार्टअप युनिकॉर्न आणि जगातील सर्वात वेगाने वाढणारी अर्थव्यवस्था म्हणून आता भारताला ओळखले जाते. आता या महान देशासाठी कोणती मोठी गोष्ट आहे? तर ते अजून सोने, रौप्य आणि कांस्यपदक जिंकणं हे असेल. आमचे भाऊ आणि बहिणी पॅरिसला गेले आहेत आणि पदकांसाठी खूप मेहनत घेत आहेत, असं म्हणत विराट कोहलीने भारताला शुभेच्छा दिल्या.

From dreams to medals.🏅
It's time to back our athletes as they step foot into Paris!✊🏼🇮🇳@IIS_Vijayanagar @StayWrogn #JaiHind #WeAreTeamIndia #Paris2024 #RoadToParis2024 #StayWrogn pic.twitter.com/pbi7TYWjsN

— Virat Kohli (@imVkohli) July 15, 2024

26 जुलैपासून स्पर्धा रंगणार-

पॅरिस ऑलिम्पिक खेळ 26 जुलैपासून सुरू होणार असून 11 ऑगस्ट रोजी संपणार आहेत. या खेळांमध्ये 196 देशांतील 10 हजारांहून अधिक खेळाडू सहभागी होणार असल्याचे सांगण्यात येत आहे. यावेळी ऑलिम्पिकमधील 28 खेळ तेच असतील ज्यांचा 2016 आणि 2020 च्या खेळांमध्ये समावेश करण्यात आला होता. पण स्केटबोर्डिंग, स्पोर्ट क्लाइंबिंग आणि सर्फिंग यासारखे काही नवीन खेळ ऑलिम्पिकमध्ये पदार्पण करणार आहेत.

125 खेळाडू पात्र-

आत्तापर्यंत भारतातील एकूण 125 खेळाडू पॅरिस ऑलिम्पिकसाठी पात्र ठरले आहेत. ऑलिम्पिक स्पर्धेच्या इतिहासात भारताचा हा सर्वात मोठा तुकडा असेल. यामध्ये भालाफेकपटू नीरज चोप्रा यांचाही समावेश आहे, ज्याने 2020 टोकियो ऑलिम्पिकमध्ये भारतासाठी सुवर्णपदक जिंकले आहे. आतापर्यंत, नेमबाजी, ऍथलेटिक्स, कुस्ती, बॉक्सिंग, तिरंदाजी, नौकानयन, टेबल टेनिस आणि बॅडमिंटन यासह 16 खेळांमधील भारतीय खेळाडू पॅरिस ऑलिम्पिकमध्ये सहभागी होण्यासाठी सज्ज झाले आहेत.

भारतीय ऍथलेटिक्स संघ-

पुरुष: अविनाश साबळे (3,000 मीटर स्टीपलचेस), नीरज चोप्रा, किशोर कुमार जेना (भालाफेक), तजिंदरपाल सिंग तूर (शॉटपुट), प्रवीण चित्रवेल, अब्दुल्ला अबुबकर (तिहेरी उडी), अक्षदीप सिंग, विकास सिंग, परमजीत सिंग बिश्त (20 किमी शर्यत) वॉक), मुहम्मद अनस, मुहम्मद अजमल, अमोज जेकब, संतोष तमिलरासन, राजेश रमेश (4x400 मीटर रिले), मिन्जो चाको कुरियन (4x400 मीटर रिले), सूरज पनवार (रेस वॉक मिश्र मॅरेथॉन), सर्वेश अनिल कुशारे (उंच उडी).

महिला: किरण पहल (४०० मीटर), पारुल चौधरी (3,000 मीटर स्टीपलचेस आणि 5,000 मीटर), ज्योती याराजी (100 मीटर अडथळा), अनु राणी (भालाफेक), आभा खटुआ (शॉटपुट), ज्योतिका श्री दांडी, सुभा व्यंकटेश, विथ्या रामराज, पूवम्मा एम.आर. (4x400 मीटर रिले), प्राची (4x400 मीटर रिले), प्रियांका गोस्वामी (20 किमी रेस वॉक/रेस वॉक मिश्र मॅरेथॉन).

संबंधित बातमी: