MI vs RR Playing 11 : मुंबईची 'पलटन' विरुद्ध 'रॉयल' राजस्थान; प्लेईंग 11 आणि खेळपट्टीबाबत जाणून घ्या
IPL 2023 Match 42, MI vs RR : आज मुंबई इंडियन्स (Mumbai Indians) आणि राजस्थान रॉयल्स (Rajsthan Royals) यांच्यात सामना रंगणार आहे.
MI vs RR Playing 11, IPL 2023 : आज मुंबईतील वानखेडे स्टेडिअमवर (Wankhede Stadium) आयपीएल 2023 (IPL 2023) मध्ये मुंबई इंडियन्स (MI) आणि राजस्थान रॉयल्स (RR) यांच्यात लढत पाहायला मिळणार आहे. मुंबई इंडियन्स शेवटच्या सामन्यात गुजरात टायटन्सकडून झालेल्या लाजिरवाण्या पराभवानंतर मुंबई इंडियन्स (Mumbai Indians) आजच्या सामन्यात राजस्थान रॉयल्स (Rajsthan Royals) विरोधात उतरणार आहे. महत्त्वाचं म्हणजे यंदाच्या आयपीएलमध्ये राजस्थान संघाची कामगिरी खूप चांगली असल्याचं दिसून येत आहे. तर मुंबई इंडियन्स संघांला अद्याप चांगला फॉर्म दाखवता आलेला नाही. मुंबई संघाला आयपीएल 2023 मध्ये पहिल्या विजय मिळवण्यासही फार वेळ लागला होता. तर राजस्थान रॉयल्स टॉप 4 मध्ये स्थान कायम ठेवून आहे.
MI vs RR, IPL 2023 Match 42 : मुंबईची 'पलटन' विरुद्ध 'रॉयल' राजस्थान
आयपीएल पॉईंट्स टेबलमध्ये राजस्थान दुसऱ्या स्थानावर आहे तर, मुंबई नवव्या स्थानावर आहे. राजस्थानचा युवा सलामीवीर यशस्वी जैस्वाल आणि ध्रुव जुरेल जबरदस्त फॉर्ममध्ये आहे. तर संदीप शर्मा आणि रविचंद्रन अश्विनची चांगली गोलंदाजी पाहायला मिळत आहे. रोहित शर्माच्या नेतृत्वाखालील मुंबई संघाच्या सुधारणेला भरपूर वाव आहे. आजच्या सामन्यात जोफ्रा आर्चरचे पुनरागमन होण्याची शक्यता आहे. रोहित शर्मा आणि सूर्यकुमार यादवची बॅट चालणार का हेही पाहावं लागणार आहे.
Wankhede Stadium Pitch Report : वानखेडे स्टेडिअमची खेळपट्टी कशी आहे?
आज मुंबईतील वानखेडे स्टेडिअमवर मुंबई विरुद्ध राजस्थान सामना पाहायला मिळणार आहे. वानखेडे स्टेडिअमवर झालेल्या आठ टी-20 आंतरराष्ट्रीय सामन्यांमध्ये नऊ वेळा 180 हून अधिक धावसंख्या पाहायला मिळाली आहे. यामध्ये चार वेळा 200 धावांचा टप्पा ओलांडला आहे. टी-20 आंतरराष्ट्रीय मधील सर्वोच्च धावसंख्या 240/3 आहे. आयपीएलमध्येही हीच धावसंख्या दिसून आली आहे. वानखेडेच्या सपाट मैदानावर गोलंदाजांना विकेट घेण्यात विशेष मदत मिळत नाही. येथे बाऊंड्री लाईन जवळ असल्याने फलंदाजांचं वर्चस्व पाहायला मिळतं.
MI vs RR Probable Playing 11 : दोन्ही संघांची प्लेईंग 11
MI Probable Playing 11 : मुंबई इंडियन्स
रोहित शर्मा (कर्णधार), इशान किशन (विकेटकीपर), कॅमेरॉन ग्रीन, सूर्यकुमार यादव, टिम डेव्हिड, नेहाल वढेरा, जोफ्रा आर्चर, कुमार कार्तिकेय, अर्जुन तेंडुलकर, रिले मेरेडिथ, पियुष चावला.
RR Probable Playing 11 : राजस्थान रॉयल्स
यशस्वी जैस्वाल, जोस बटलर, देवदत्त पडिक्कल, संजू सॅमसन (कर्णधार आणि विकेटकीपर), शिमरॉन हेटमायर, ध्रुव जुरेल, रविचंद्रन अश्विन, जेसन होल्डर, ट्रेंट बोल्ट, संदीप शर्मा, युझवेंद्र चहल.
महत्त्वाच्या इतर बातम्या :
महत्त्वाच्या बातम्या
ट्रेंडिंग न्यूज
