LSG vs PBKS Preview : लखनौचे 'नवाब' विरुद्ध पंजाबचे 'मुंडे'; कुणाचं पारड जड? पाहा काय सांगते आकडेवारी
IPL 2023, LSG vs PBKS Match Preview : आज (15 एप्रिल) आयपीएल 2023 (IPL 2023) मधील 21 वा सामना लखनौ (LSG) आणि पंजाब (PBKS) यांच्यात रंगणार आहे.
IPL 2023, LSG vs PBKS Match Preciction : आज आयपीएल 2023 (IPL 2023) मध्ये मनोरंजनाचा डबल डोस मिळणार आहे. आज दोन सामने खेळवले जाणार आहे. संध्याकाळी 7.30 वाजता लखनौ आणि पंजाब (PBKS vs LSG) यांच्यात लढत पाहायला मिळणार आहे. लखनौ सुपर जायंट्स आणि पंजाब किंग्स यांच्यात लखनौच्या घरच्या इकाना स्टेडिअमवर (Ekana Cricket Stadium) पार पडणार आहे. पंजाबसाठी हा सामना महत्त्वाचा आहे. शिखर धवनच्या संघाने सलग दोन सामन्यात विजय नोंदवल्यानंतर सलग 2 सामने गमावले आहेत. अशा स्थितीत संघाला विजयाच्या मार्गावर परतण्यासाठी आजचा सामना फार महत्त्वाचा आहे. दुसरीकडे, सलग 2 सामने जिंकल्यानंतर लखनौ सुपर जायंट्सचा आत्मविश्वास वाढला आहे. अशा परिस्थितीत केएल राहुलचा संघ विजयी मोहीम सुरू ठेवण्यासाठी मैदानावर उतरेल. लखनौ आणि पंजाब यांच्यातील या सामन्यात दोन्ही संघांमध्ये निकराची लढत होणार आहे.
PBKS vs LSG : लखनौची आयपीएलमध्ये चमकदार कामगिरी
आयपीएल 2023 मध्ये, लखनौ सुपर जायंट्सने आतापर्यंत चमकदार कामगिरी केली आहे. लखनौ संघाने आयपीएलच्या 16 व्या मोसमात चार सामने खेळले आहेत. त्यापैकी तीन सामने जिंकले असून एका सामन्याता त्यांना पराभवाचा सामना करावा लागला आहे. लखनौने विजयासह आयपीएल 2023 चा प्रवास सुरू केला. पहिल्या सामन्यात लखनौने दिल्ली कॅपिटल्सचा 50 धावांनी पराभव केला. त्यानंतर चेन्नई सुपर किंग्सविरुद्धच्या सामन्यात त्याचा पराभव झाला. मात्र, सनरायझर्स हैदराबाद आणि रॉयल चॅलेंजर्स बंगळुरूविरुद्धचे सामने जिंकून लखनौने आयपीएलमध्ये दमदार पुनरागमन केलं.
PBKS vs LSG : धवनच्या नेतृत्वात पंजाब बाजी मारणार?
शिखर धवनच्या नेतृत्त्वात पंजाब किंग्स संघानेही आयपीएल 2023 मध्ये विजयी सुरुवात केली आहे. आयपीएलच्या 16 व्या हंगामातील कोलकाता विरुद्धचा पहिला सामना जिंकला होता. त्यानंतर राजस्थान विरुद्धच्या दुसऱ्या सामन्यातही पंजाबने बाजी मारली. पण त्यानंतर सलग दोन सामन्यात पंजाबचा पराभव झाला. तिसऱ्या सामन्यात हैदराबाद आणि चौथ्या सामन्यात गुजरातकडून पंजाबला पराभव पत्करावा लागला.
LSG vs PBKS Head to Head : कुणाचं पारड जड? पाहा काय सांगते आकडेवारी
इंडियन प्रीमियर लीगमध्ये लखनौ सुपर जायंट्स आणि पंजाब किंग्स यांच्यामध्ये आतापर्यंत एक सामना खेळवण्यात आला आहे. या सामन्यात लखनौने पंजाबवर 20 धावांनी विजय मिळवला होता.
LSG vs PBKS, IPL 2023 : कधी आणि कुठे होणार सामना?
पंजाब किंग्स (PBKS) आणि लखनौ सुपर जायंट्स (LSG) यांच्यात 15 एप्रिलला लढत पाहायला मिळणार आहे. हा सामना लखनौमधील भारतरत्न अटल बिहारी वाजपेयी इकाना स्टेडिअमवर (Bharat Ratna Shri Atal Bihari Vajpayee Ekana Cricket Stadium) संध्याकाळी 7.30 वाजता पार पडणार आहे. नाणेफेक संध्याकाळी7 वाजता होईल.
IPL 2023 Live Streaming : लाईव्ह सामना कुठे पाहाल?
आयपीएल 2023 च्या सर्व सामन्यांचं लाइव्ह स्ट्रीमिंग (Live Streaming) 'जिओ सिनेमा' ॲपवर (Jio Cinema) उपलब्ध असेल. स्टार स्पोर्ट्स नेटवर्कच्या विविध वाहिन्यांवर या सामन्याचे थेट प्रक्षेपण (Live Streaming) केले जाईल. तसेच एबीपी माझाच्या वेबसाईटवरही तुम्हाला सामन्याचे वेळोवेळीचे अपडेट्स उपलब्ध असतील.
महत्त्वाच्या इतर बातम्या :
महत्त्वाच्या बातम्या
ट्रेंडिंग न्यूज
