LSG : लखनौला मोठा धक्का,6.4 कोटी खर्च करुन संघात घेतलेला खेळाडू स्पर्धेबाहेर,आता कुणाला संधी देणार?

Lucknow Super Giants : सलग दोन मॅचमध्ये विजय मिळवणाऱ्या लखनऊ सुपर जाएंटसला धक्का बसला आहे. 6.4 कोटी रुपये खर्च करुन संघात घेतलेला शिवम मावी दुखापतीमुळं संघाबाहेर गेला आहे.

शिवम मावी आयपीएल बाहेर ( Image Source :X : Lucknow Super Giants )

लखनौ : आयपीएलच्या 17 (IPL 2024) व्या पर्वात दोन विजय आणि एका पराभवासह 4  गुणांच्या जोरावर गुणतालिकेत चौथ्या स्थानावर असलेल्या लखनौ सुपर जाएंटसला (Lucknow Super Giants) धक्का बसला आहे. एकीकडे टीमला मयंक यादव (Mayank Yadav) सारखा वेगवान गोलंदाज फॉर्ममध्ये आहे. दुसरीकडे शिवम मावी (Shivam Mavi) दुखापतीमुळं आयपीएलच्या बाहेर गेला आहे. लखनौ सुपर जाएंटसच्या इन्स्टाग्राम अकाऊंटवर एक व्हिडिओ पोस्ट करण्यात आला आहे. त्यामध्ये शिवम मावी नेमकी दुखापत कसली झाली आहे, हे न सांगता मी या स्पर्धेला मुकणार असल्याचं म्हणतो. 

शिवम मावी त्या व्हिडिओत म्हणतो की,  दुखापतीनंतर इथं आलो होतो, मला वाटलेलं की मी माझ्या संघासाठी चांगली कामगिरी करेल. दुर्दैवानं मला दुखापतीमुळं स्पर्धा सोडावी लागत असल्याचं शिवमनं म्हटलं.  क्रिकेटरनं मानसिक रित्या देखील मजबूत असलं पाहिजे. जेव्हा तुम्ही दुखापतग्रस्त असता तेव्हा तुम्हाला पुनरागमन करायचं असतं, त्यासाठी ज्या गोष्टी कराव्या लागतील त्या कराव्यात असं त्यानं म्हटलं. पीटीआयनं दिलेल्या वृत्तानुसार बरगड्यांमधील वेदनांमुळं शिवम मावी आयपीएलला मुकणार आहे. 

You'll come back stronger, Shivam. And we're with you all the way. 💙 pic.twitter.com/zYSs3URV1p

— Lucknow Super Giants (@LucknowIPL) April 3, 2024

शिवम मावीला लखनौ सुपर जाएंटसनं 6.4 कोटी रुपयांची बोली लावत संघात घेतलं होतं. लखनौ सुपर जाएंटसचा संघ आता तीन मॅचपैकी दोन सामन्यांमध्ये विजय मिळवत चार गुणांसह गुणतालिकेत चौथ्या स्थानावर आहे. पहिल्या तीन मॅचमध्ये शिवम मावीला संघात स्थान मिळालं नव्हतं. 

आमची टीम चांगली आहे, मी  आमच्या टीमला प्रोत्साहन देत राहणार असून आम्ही आयपीएल जिंकू असा विश्वास  शिवम मावीनं व्यक्त केला. लखनौ सुपर जाएंटसनं शिवम मावीच्या जागी कुणाला संधी देणार यासंदर्भात घोषणा केलेली नाही.  

लखनौ सुपर जाएंटसनं ट्विट करुन शिवम मावीला तू आणखी मजबूत होऊन कमबॅक करशील, या सर्व प्रवासात आम्ही तुझ्या सोबत आहे, असं लखनऊ सुपर जाएंटसनं म्हटलं आहे. 

लखनौ सुपर जाएंटसकडे शिवम मावी शिवाय मॅट हेन्री, शमार जोसेफ, मोहसिन खान, नवीन उल हक, मयंक यादव, यश ठाकूर, अर्शद खान, युधीर सिंग असे अनेक पर्याय वेगवान गोलंदाजीसाठी उपलब्ध आहेत. 

संबंधित बातम्या :