IPL 2024 MI vs KKR: मुंबई अन् कोलकाताचा रद्द होऊ शकतो सामना; कोलकातामध्ये मुसळधार पाऊस, पाहा Video
IPL 2024 MI vs KKR Eden Gardens Weather: कोलकाताच्या इडन गार्डनमध्ये मुसळधार पाऊस पडत आहे.
IPL 2024 MI vs KKR Eden Gardens Weather: आयपीएल 2024 च्या हंगामात आज कोलकाता नाइट रायडर्स (KKR) आणि मुंबई इंडियन्स (MI) आमनेसामने येणार आहेत. उभय संघांमधील हा सामना इडन गार्डन्सवर होणार आहे. मात्र या सामन्यापूर्वी क्रिकेट चाहत्यांची निराशा करणारी चित्रे समोर येत आहेत.
कोलकाताच्या इडन गार्डनमध्ये मुसळधार पाऊस पडत आहे. (Rain at the Eden Gardens) याशिवाय आकाशात काळे ढग आहेत. कोलकाता नाइट रायडर्स आणि मुंबई इंडियन्सच्या सामन्यात पाऊस खलनायक ठरणार हे निश्चित आहे. तसेच मुंबई आणि कोलकाताचा आजचा सामना रद्द देखील होऊ शकतो. सामना सुरु होण्याची वेळ 7.30 वाजताची आहे. त्यामुळे याआधी पावसापासून दिलासा मिळण्याची आशा क्रिकेट चाहत्यांना आहे.
यापूर्वी हवामान खात्याने आपल्या अंदाजात पावसाबाबत सांगितले होते. हवामान खात्याने दिलेल्या माहितीनुसार, कोलकात्यात आज तापमान 30-32 अंश सेल्सिअस राहण्याची शक्यता आहे. याशिवाय सायंकाळी पावसाची शक्यता होती. मात्र, आता कोलकात्याच्या इडन गार्डन्सवरून ज्या प्रकारची चित्रे समोर येत आहेत, ती क्रिकेट चाहत्यांची निराशा करणार आहेत.
पाहा व्हिडीओ-
Rain at the Eden Gardens. 🌧️pic.twitter.com/7L8ZdNM0wV
— Mufaddal Vohra (@mufaddal_vohra) May 11, 2024
सामना वेळेवर सुरू होऊ शकतो का?
कोलकात्यात गेल्या अनेक दिवसांपासून सतत पाऊस पडत आहे. त्यामुळे दोन्ही संघांना सराव सत्रही रद्द करावे लागले. त्याचवेळी सामन्याच्या दिवशी सतत पाऊस पडत असल्याने सामन्यावर परिणाम होऊ शकतो. तथापि, सामन्याच्या वेळी हवामान कसे असेल हे पाहणे मनोरंजक असेल. परंतु सध्या मुसळधार पाऊस पडत आहे. नाणेफेक भारतीय वेळेनुसार संध्याकाळी 7 वाजता होईल, तर सामना संध्याकाळी 7.30 वाजता होईल. मात्र ज्या प्रकारची चित्रे समोर येत आहेत, त्यामुळे सामना वेळेवर सुरू होणे कठीण असल्याचे मानले जात आहे.
मुंबई इंडियन्सचा संपूर्ण संघ:
इशान किशन (W), रोहित शर्मा, नमन धीर, सूर्यकुमार यादव, तिलक वर्मा, हार्दिक पांड्या (C), टिम डेव्हिड, अंशुल कंबोज, पियुष चावला, जसप्रीत बुमराह, नुवान तुषारा, नेहल वढेरा, शम्स मुलानी, शिवालिक शर्मा, देवाल्ड ब्रेविस, रोमॅरियो शेफर्ड, मोहम्मद नबी, श्रेयस गोपाल, ल्यूक वुड, हार्विक देसाई, जेराल्ड कोएत्झी, अर्जुन तेंडुलकर, कुमार कार्तिकेय, आकाश मधवाल, क्वेना मफाका
कोलकाता नाइट रायडर्सचा संपूर्ण संघ:
फिलिप सॉल्ट (W), सुनील नरेन, अंगक्रिश रघुवंशी, श्रेयस अय्यर (C), व्यंकटेश अय्यर, रिंकू सिंग, आंद्रे रसेल, रमणदीप सिंग, मिचेल स्टार्क, वरुण चक्रवर्ती, हर्षित राणा, अनुकुल रॉय, मनीष पांडे, वैभव अरोरा, श्रीकर भारत, शेरफान रदरफोर्ड, दुष्मंथा चमीरा, नितीश राणा, रहमानउल्ला गुरबाज, चेतन साकारिया, साकिब हुसैन, सुयश शर्मा, अल्लाह गझनफर
संबंधित बातम्या:
महत्त्वाच्या बातम्या
ट्रेंडिंग न्यूज
