IPL 2024 : सनरायजर्स हैदराबादच्या हातून मॅच कधी निसटली, केकेआरच्या विजयाचा टर्निंग पॉईंट नेमका कोणता? पाहा व्हिडीओ
IPL 2024 : कोलकाता नाईट रायडर्सनं सनरायजर्स हैदराबादला आठ विकेटनं पराभूत करत आयपीएल ट्रॉफीवर नाव कोरलं आहे. केकेआरनं आयपीएलच्या इतिहासातील तिसरं विजेतेपद पटकावलं.
IPL Final KKR vs SRH : कोलकाता नाईट रायडर्सनं (Kolkata Knight Riders) आयपीएलच्या सतराव्या पर्वाचं विजेतेपद मिळवलं आहे. कोलकाता नाईट रायडर्सनं सनरायजर्स हैदराबादला (Sun Risers Hyderabad) आठ विकेटनं पराभूत केलं. कोलकाता नाईट रायडर्सच्या गोलंदाजांनी सनरायजर्स हैदराबादला 20 ओव्हरमध्ये 113 धावांवर बाद केलं. यानंतर व्यंकटेश अय्यर (Venkatesh Iyer) आणि रहमानुल्लाह गुरबाझनं दमदार फलंदाजी करत केकेआरचा विजय सोपा केला.
चेन्नईमधील एम. चिदंबरम स्टेडियमवर सनरायजर्स हैदराबादचा कॅप्टन पॅट कमिन्सनं (Pat Cummis) टॉस जिंकून पहिल्यांदा बॅटिंग करण्याचा निर्णय घेतला. मात्र, कोलकाताच्या गोलंदाजांनी हा निर्णय चुकीचा ठरवला. कोलकाताचा स्टार गोलंदाज मिशेल स्टार्कनं (Mitchell Starc) आयपीएल गाजवणाऱ्या अभिषेक शर्माला (Abhishek Sharma) 2 धावांवर बाद केलं. मिशेल स्टार्कनं टाकलेला बॉल यंदाच्या आयपीएल मधील अप्रतिम बॉल ठरला. यानंतर सनरायजर्स हैदराबादच्या डावाला जी गळती लागली ती थांबली नाही. मिशेल स्टार्कनं केकेआरसाठी दमदार कामगिरी केली. सनरायजर्स हैदराबादच्या पराभवाचा हाच टर्निंग पॉईंट ठरला.
पाहा व्हिडीओ :
MITCHELL STARC - BORN FOR BIG MOMENTS.
— Johns. (@CricCrazyJohns) May 26, 2024
- The Greatest of Modern Era. 🥶 pic.twitter.com/GaLlUVfuDM
हैदराबादचा दुसरा सलामीवीर ट्रेविस हेड ज्यानं देखील यंदाचं आयपीएल आक्रमक फलंदाजीच्या जोरावर गाजवलं होतं.तो देखील आज शुन्यावर बाद झाला. वैभव अरोरानं ट्रेविस हेडला शुन्यावर बाद केलं. ट्रेविस हेड क्वालिफायर -1 मध्ये देखील शुन्यावर बाद झाला होता. आज देखील तो शुन्यावर बाद झाला. केकेआरसाठी सनरायजर्स हैदराबादच्या सलामीवीरांच्या विकेट लवकर मिळणं फायदेशीर ठरलं.
केकेआरनं अभिषेक शर्मा आणि ट्रेविस हेडला सुरुवातीच्या दोन ओव्हरमध्ये बाद केलं. यावेळी मॅच केकेआरच्या हातात गेली ती सनरायजर्स हैदराबादच्या हाती आलीच नाही. मिशेल स्टार्कनं क्वालिफायर -1 आणि एलिमिनेटर गाजवणाऱ्या राहुल त्रिपाठीला देखील बाद केलं. यानंतर आंद्रे रसेलनं देखील 3 विकेट घेत सनरायजर्स हैदराबादला मोठी धावसंख्या उभारु दिली नाही. पॅट कमिन्सनं अखेरच्या टप्प्यात किल्ला लढवल्यानं हैदराबादनं शंभर धावांचा टप्पा पार केला. आंद्रे रसेलनं 3, मिशेल स्टार्कनं 2, हर्षित राणानं 2, वरुण चक्रवर्ती, सुनील नरेन आणि वैभव अरोरानं प्रत्येकी एक विकेट घेत हैदराबादला 113 धावांवर रोखलं.
व्यंकटेश अय्यर आणि रहमानुल्लाहनं गुरबाझनं विजयाचा कळस चढवला
कोलकाताचा सलामीवीर सुनील नरेन आज चांगली कामगिरी करु शकला नाही. पॅट कमिन्सनं त्याला बाद केलं. व्यंकटेश अय्यर आणि रहमानुल्लाह गुरबाझनं आक्रमक फलंदाजी करत हैदराबादच्या गोलंदाजांना मॅचवर पकड मिळवू दिली नाही. व्यंकटेश अय्यरनं अर्धशतक करत केकेआरला विजय मिळवून दिला. रहमानुल्लाह गुरबाझला शाहबाझ अहमदनं बाद केलं. केकेआर आयपीएल ट्रॉफी विजयाचं गिफ्ट सुनील नरेनला वाढदिवसाच्या निमित्तानं दिलं. बा
संबंधित बातम्या :
महत्त्वाच्या बातम्या
