IPL 2024 Harbhajan Singh On MS Dhoni: '...तेव्हा संघासोबत जेवताना MS धोनी खूप रडला'; हरभजन सिंगने सांगितली आठवण
IPL 2024 Harbhajan Singh On MS Dhoni: काही दिवसांआधी आयपीएलचे समालोचन करताना हरभजन सिंगने याबाबत खुलासा केला होता.
IPL 2024: चेन्नई सुपर किंग्ज फ्रँचायझीने (CSK) 2 वर्षांच्या बंदीचा सामना केल्यानंतर 2018 मध्ये इंडियन प्रीमियर लीगमध्ये पुनरागमन केले. फ्रँचायझीचे वरिष्ठ अधिकारी मॅच फिक्सिंगमध्ये दोषी आढळल्याने CSK वर बंदी घालण्यात आली होती. मात्र 2018 मध्ये आयपीएलमध्ये पुन्हा चेन्नईने पुनरागमन केले, तो काळ आठवून एमएस धोनी (MS Dhoni) खूप रडला होता, असं चेन्नईचा माजी खेळाडू हरभजन सिंगने सांगितले.
काही दिवसांआधी आयपीएलचे समालोचन करताना हरभजन सिंगने याबाबत खुलासा केला होता. चेन्नईचा संघ 2 वर्षांच्या बंदीनंतर आयपीएलमध्ये परतला तेव्हा संघाने एकत्र जेवण केले होते. हरभजनने सांगितले की, पुरुष सहज रडत नाहीत ही म्हण मी ऐकली होती, पण त्या दिवशी धोनी खूप रडला होता. धोनी खूप भावूक झाला. समालोचनाच्या या पॅनलमध्ये हरभजनसोबत इम्रान ताहिरही उपस्थित होता. ताहिर 2018 मध्ये चेन्नईकडून खेळला होता. ताहिरने सांगितले की, त्या डिनरमध्ये तोही उपस्थित होता आणि त्याने धोनीला रडताना पाहिले होते. सीएसके धोनीच्या हृदयाच्या किती जवळ आहे हे ताहिरला त्या दिवशी कळले. धोनी चेन्नई सुपर किंग्ज संघाला आपले कुटुंब मानतो, असं ताहिरने सांगितले.
चेन्नईवर बंदी का घालण्यात आली?
जुलै 2015 मध्ये, आयपीएलच्या चेन्नई सुपर किंग्ज आणि राजस्थान रॉयल्सवर 2 वर्षांची बंदी घालण्यात आली होती. चेन्नईचे अध्यक्ष एन श्रीनिवासन यांचे जावई गुरुनाथ मयप्पन आणि राजस्थान रॉयल्सचे सहमालक राज कुंद्रा यांच्यावर मॅच फिक्सिंगचा आरोप होता. सुप्रीम कोर्टाने एक तपास समिती स्थापन केली होती, ज्याने या प्रकरणात मयप्पनसह राज कुंद्रा यांना दोषी ठरवले होते. या कारणामुळे आयपीएलच्या दोन्ही संघांवर 2 वर्षांची बंदी घालण्यात आली होती.
आयपीएलमध्ये परतताच जेतेपद पटकावले-
2018 मध्ये चेन्नई सुपर किंग्जचा आयपीएलमध्ये पुन्हा प्रवेश स्फोटक होता. महेंद्रसिंग धोनीच्या नेतृत्वाखाली, चेन्नईने IPL 2018 मध्ये केवळ गुणतालिकेत अव्वल स्थान मिळवले नाही तर अंतिम फेरीत सनरायझर्स हैदराबादला पराभूत करून ट्रॉफी जिंकण्यात यश मिळवले. इंडियन प्रीमियर लीगमध्ये चेन्नईने ट्रॉफीवर कब्जा करण्याची ही तिसरी वेळ होती.
संबंधित बातम्या:
यंदाच्या टी-20 विश्वचषकाच्या स्पर्धेत अव्वल 4 संघ कोणते असतील?; पॅट कमिन्सचा कॉन्फिडन्स, पाहा Video
महत्त्वाच्या बातम्या
