IPL 2024 Jake Fraser-McGurk: माकडामुळे वर्ल्ड कपमधून घ्यावी लागली होती माघार; नावावर आहे भीम पराक्रम, कोण आहे जेक फ्रेझर-मॅकगर्क?

IPL 2024 Jake Fraser-McGurk: 22 वर्षीय मॅकगर्कने आयपीएल 2024 मध्ये आतापर्यंत 5 सामन्यांमध्ये 247 धावा केल्या आहेत, ज्यामध्ये त्याचा स्ट्राइक रेट 237.5 आहे.

Jake Fraser-McGurk

Source : ABP

IPL 2024 Delhi Capitals Jake Fraser-McGurk: ऑस्ट्रेलियन फलंदाज जेक फ्रेझर-मॅकगर्कने आपल्या झंझावाती खेळीने क्रिकेट विश्वात खळबळ उडवून दिली आहे. IPL 2024 मध्ये त्याने दोनदा 15 चेंडूत अर्धशतक ठोकले आहे. मॅकगर्क चालू हंगामात सर्वात जलद अर्धशतक झळकवणारा खेळाडूही ठरला आहे. मॅकगर्कला  दिल्ली कॅपिटल्सकडून खेळताना मुंबई इंडियन्सविरुद्धच्या सामन्यात शतक झळकावता आले नाही. पण त्याने अवघ्या 27 चेंडूत 84 धावांची खेळी करून बरीच चर्चा केली. 22 वर्षीय मॅकगर्कने आयपीएल 2024 मध्ये आतापर्यंत 5 सामन्यांमध्ये 247 धावा केल्या आहेत, ज्यामध्ये त्याचा स्ट्राइक रेट 237.5 आहे.

Introducing Jake Fraser-McGurk- the commentator! 🎙️

𝗘𝗻𝗷𝗼𝘆 𝗧𝗵𝗲 𝗥𝗶𝗱𝗲! ⚡ ⚡

WATCH 🎥 🔽 #TATAIPL | #DCvMI | @DelhiCapitalshttps://t.co/WUdTNZYqyp

— IndianPremierLeague (@IPL) April 28, 2024

मॅकगर्कने 29 चेंडूत शतक झळकावले आहे-

जेस फ्रेझर मॅकगर्कने 2023 मध्ये ऑस्ट्रेलियन देशांतर्गत क्रिकेटमध्ये 29 चेंडूत शतक झळकावले आहे. यासह तो क्रिकेटच्या कोणत्याही फॉरमॅटमध्ये सर्वात जलद शतक झळकावणारा फलंदाज ठरला. त्याच्या आधी हा विक्रम ख्रिस गेलच्या नावावर होता, ज्याने आयपीएलमध्ये 30 चेंडूत शतक झळकावले होते. तर एकदिवसीय क्रिकेटमध्ये एबी डिव्हिलियर्सने 31 चेंडूत 100 धावा पूर्ण केल्या होत्या. या दोन्ही दिग्गज फलंदाजांनी मॅकगर्कला मागे सोडले आहे, ज्याने 2023 मध्ये झालेल्या मार्श कप स्पर्धेत दक्षिण ऑस्ट्रेलिया संघाकडून खेळताना तस्मानियाविरुद्ध केवळ 29 चेंडूत 100 धावा केल्या होत्या. त्या सामन्यात त्याने 38 चेंडूत 125 धावा केल्या होत्या.

माकडामुळे मॅकगर्क वर्ल्ड कप खेळू शकला नाही-

जेस फ्रेझर मॅकगर्क 2020 अंडर-19 क्रिकेट विश्वचषक ऑस्ट्रेलियाकडून खेळणार होता. मात्र विश्वचषक सुरू होण्यापूर्वी त्याला माकडाने चावा घेतला, त्यामुळे त्याला मायदेशी परतावे लागले. त्या स्पर्धेत ऑस्ट्रेलियन संघ बाद फेरीतून बाहेर पडला होता. दरम्यान मॅकगर्कचे नशीब आयपीएल 2024 मध्ये चमकत आहे, ज्यामुळे त्याला 2024 च्या T20 विश्वचषक स्पर्धेत वरिष्ठ ऑस्ट्रेलियन संघात खेळण्याची संधी मिळू शकते.

जेक फ्रेझर मॅकगर्क कोण आहे? (Who is Jake Fraser-McGurk?)

जेक फ्रेझर हा एक ऑस्ट्रेलियन क्रिकेटर आहे, ज्याचा जन्म 11 एप्रिल 2002 रोजी मेलबर्न, ऑस्ट्रेलिया येथे झाला. मॅकगर्कने कॅरी बॅप्टिस्ट ग्रामर स्कूलमध्ये शिक्षण घेतले. तो त्याच्या आक्रमक आणि तुफानी खेळीसाठी ओळखला जातो. मॅकगर्कने आपल्या प्रथम श्रेणी कारकिर्दीत 16 सामने खेळताना 550 धावा केल्या आहेत. त्याच्या लिस्ट-1 कारकिर्दीत त्याने 21 सामन्यांत 525 धावा केल्या आहेत. याशिवाय ऑस्ट्रेलियाच्या या तुफानी फलंदाजाने 41 टी-20 सामने खेळून 808 धावा केल्या आहेत. त्याने फेब्रुवारी 2024 मध्ये ऑस्ट्रेलियन संघासाठी पदार्पण केले, जिथे तो वेस्ट इंडिजविरुद्ध एकदिवसीय सामना खेळताना दिसला. आत्तापर्यंत ऑस्ट्रेलियाकडून खेळलेल्या 2 वनडे सामन्यांमध्ये त्याने 221.73 च्या स्ट्राईक रेटने 51 धावा केल्या आहेत.

दिल्लीने 20 लाखात खरेदी केलं-

आयपीएल 2024 सुरू होण्यापूर्वीच, दक्षिण आफ्रिकेचा वेगवान गोलंदाज लुंगी एनगिडी दुखापतीमुळे मोसमातून बाहेर होता. एनगिडीच्या जागी दिल्लीने जेक फ्रेझर मॅकगर्कला आपल्या संघात सामील केले होते. दिल्लीने त्याच्या मूळ किंमतीत म्हणजेच 20 लाखात मॅकगर्कचा समावेश केला आहे. मॅकगर्क अगदी कमी पैशात दिल्ली कॅपिटल्ससाठी कोट्यावधींची कामे करत आहेत असे म्हटल्यास चुकीचे ठरणार नाही.

संबंधित बातम्या: