IPL Lucknow Team: राहुल कर्णधार असलेल्या लखनऊ संघाचं नाव ठरलं..! 

IPL Lucknow Team: के.एल. राहुल कर्णधार असलेल्या लखनौ संघाचं नाव ठरलं आहे. हे नाव पुणे संघाशी मिळतं जुळतं आहे.

IPL_Trophy

Lucknow Super Giants Update : आयपीएल 2022 मध्ये दोन नवे संघ जोडले जाणार आहेत. लखनऊ आणि अहमदाबाद या दोन नव्या संघाच्या सहभागामुळे यंदा आयपीएलमध्ये दहा संघ असणार आहेत. लखनौ संघाचं कर्णधारपद राहुलकडे सोपवण्यात आलं आहे. लखनौ संघाची मालकी आरपी संजीव गोयंका ग्रुपकडे आहे. या संघाच्या नावाची अधिकृत घोषणा सोमवारी करण्यात आली आहे. लखनौ संघाने आपल्या अधिकृत ट्वीटर खात्यावर केली आहे. 

संजीव गोयंका यांच्या या नव्या संघाचं नाव  लखनऊ सुपर जायंट्स असे असणार आहे. लखनऊ फ्रेंचायझीने चाहत्यांना आपल्या संघाचं नाव सुचवण्याची विनंती केली होती. सोमवारी सायंकाळी  लखनौ फ्रेंचायझीचे मालक डॉ. संजीव गोयंका यांनी एका व्हिडिओद्वारे नावाची घोषणा केली आहे. तसेच संघाचं नाव सुचवल्याबद्दल चाहत्यांचे आभारही त्यांनी व्यक्त केले आहेत. ज्याच्या नावाच्या आधारावर संघाचं नाव निवडण्यात आलेय, त्याला दहा लाख रुपयांचं बक्षीस देण्यात येणार आहे., असे गोयंका यांनी सांगितले. दरम्यान, 2017 मध्ये आरपी गोयंका ग्रुपने पुण्याचा संघ विकत घेतला होता. या संघाचे नाव रायझिंग पुणे सुपरजायंट्स ठेवण्यात आले होते. याच नावाशी मिळतं जुळतं नाव लखनौ संघाचं ठेवण्यात आले आहे.

Team owner, Dr. Sanjiv Goenka, Chairman @rpsggroup unveils the name for the Lucknow IPL team. 😊👏🏼#LucknowSuperGiants #NaamBanaoNaamKamao #IPL2022 @IPL @BCCI @GautamGambhir @klrahul11 pic.twitter.com/TvGaZlIgFR

— Lucknow Super Giants (@LucknowIPL) January 24, 2022

दरम्यान, आयपीएल लिलावाआधी लखनौ संघाने के. एल. राहुल, स्टॉयनिस आणि रवि बिश्नोई या तीन खेळाडूंना रिटेन केलं आहे. लखनौ संघाने राहुलला कर्णधारही केलं आहे. राहुलसाठी लखनौ संघाने 17 कोटी रुपये खर्च केले आहेत. तर ऑस्ट्रेलियाच्या अष्टपैलू स्टॉयनिससाठी 9.2 कोटी रुपये मोजले आहेत. अनकॅप भारतीय रवि बिश्नोईला 4 कोटी रुपयात संघात ठेवलं आहे. तीन खेळाडूंसाठी लखनौ संघाने 30.2 कोटी रुपये खर्च केले आहेत. त्यामुळे लखनौ संघाकडे 59.8 कोटी रुपये शिल्लक राहिले आहेत. 12 आणि 13 फेब्रुवारी रोजी आयपीएलचा लिलाव पार पडणार आहे.  आयपीएलच्या इतिहासातील सर्वात महागडा संघ लखनौ ठरला आहे. संजीव गोएंका ग्रुपने तब्बल 7 हजार 90 कोटींना संघ विकत घेतला.  आयपीएलच्या इतिहासातील एक यशस्वी कर्णधार असणारा गौतम गंभीर मेंटॉर अर्थात मार्गदर्शक म्हणून संघासोबत जोडला गेला आहे.  तसेच झिम्बाब्वेचा माजी कर्णधार अँडी फ्लॉवरची (Andy Flower) लखनौचा मुख्य प्रशिक्षक म्हणून नियुक्ती करण्यात आली आहे.