IPL 202, CSK vs RCB: चेन्नईनं सामना जिंकला! आधी फलंदाजांनी चोपलं, नंतर गोलंदाजांनी रोखलं; बंगळुरूचा 23 धावांनी पराभव

IPL 2022, CSK Vs RCB: या हंगामातील सलग चार सामने गमावल्यानंतर चेन्नईनं पहिला विजय नोंदवला आहे.

(Photo Credit: PTI)

IPL 2022, CSK Vs RCB: नवी मुंबईच्या (Navi Mumbai) डीवाय पाटील स्टेडियमवर (Dr DY Patil Sports Academy) खेळण्यात आलेल्या आयपीएलच्या 22 व्या सामन्यात चेन्नईच्या संघानं बंगळुरूला (Chennai Super Kings Vs Royal Challengers Bangalore) 23 धावांनी पराभूत केलं आहे. या हंगामातील सलग चार सामने गमावल्यानंतर चेन्नईनं पहिला विजय नोंदवला आहे. या सामन्यात बगंळुरूचा कर्णधार फाफ डू प्लेसिसनं (Faf du Plessis) नाणेफेक जिंकून प्रथम गोलंदाजी करण्याचा निर्णय घेतला. त्यानंतर फलंदाजी करण्यासाठी मैदानात आलेल्या चेन्नईच्या संघानं 20 षटकात दोन विकेट्स गमावून 217 धावा केल्या. प्रत्युरात मैदानात उतरलेल्या बंगळुरूच्या संघाला 20 षटकात 9 विकेट्स गमावून 193 धावापर्यंत मजल मारता आली. 

नाणेफेक गमावल्यानंतर प्रथम फलंदाजी करण्यासाठी मैदानात आलेल्या चेन्नईच्या संघाची खराब सुरूवात झाली. सलामीवीर ऋतुराज गायकवाड पुन्हा मोठी धावसंख्या करण्यास अपयशी ठरला. या सामन्यातील तिसऱ्या षटकातील चौथ्या चेंडूवर त्यानं आपली विकेट्स गमावली. दरम्यान, मोईन अलीही स्वस्तात माघारी परतला. त्यानंतर रॉबिन उथप्पा आणि शिवम दुबेनं आक्रमक फलंदाजी करत संघाचा डाव पुढे नेला. उथप्पानं 88 तर, शिवम दुबेनं 94 धावा केल्या. ज्यामुळं चेन्नईच्या संघानं 20 षटकात चार विकेट्स गमावून बंगळुरूसमोर 216 धावांचं डोंगर उभा केला. बंगळुरूकडून वानिंदु हसरंगानं दोन विकेट्स घेतल्या. तर, जोश हेजलवूडनं एक विकेट्स मिळवल्या. 

दरम्यान, 217 धावांच्या लक्ष्याचा पाठलाग करणाऱ्या बंगळुरूला चांगली सुरुवात करता आली नाही. कर्णधार फाफ डु प्लेसिस आणि माजी कर्णधार विराट कोहली स्वस्तात बाद झाले. त्यानंतर मैदानात आलेल्या ग्लेन मॅक्सवेलनंही मोठी संघाचा डाव पुढे नेताना अपयशी ठरला. रवींद्र जडेजाच्या गोलंदाजीवर त्यानं आपली विकेट्स गमावली. सुयश प्रभुदेसाई आणि शाहबाज अहमद यांच्यानंतर दिनेश कार्तिकनं विजयाच्या आशा उंचावल्या, पण ती केवळ आशाच राहिली. संघाला 20 षटकात 193 धावा करता आल्या आणि सामना 23 धावांनी गमावला. चेन्नईकडून महेश तीक्ष्णानं सर्वाधिक चार विकेट्स घेतल्या. तर, रवींद्र जाडेजानं तीन विकेट्स घेतल्या आहेत. याशिवाय, मुकेश चौधरीच्या खात्यात एक विकेट पडली.

हे देखील वाचा-