IPL 2021, DC vs MI | मुंबई विजयाची हॅटट्रिक साजरी करणार?

मुंबई आणि दिल्ली यांच्यात चेन्नईच्या एमए चिदंबरम स्टेडियमवर आज सायंकाळी साडेसहा वाजल्यापासून खेळला जाईल. मुंबई आजचा सामना जिंकून विजयाची हॅट्ट्रीक साजरी करण्याचा प्रयत्न करेल.

mi_vs_dc

IPL 2021, MIvsDC | आयपीएल 2021 चा 13 वा सामना मुंबई आणि दिल्ली यांच्यात चेन्नईच्या एमए चिदंबरम स्टेडियमवर आज सायंकाळी साडेसहा वाजल्यापासून खेळला जाईल. मुंबई आजचा सामना जिंकून विजयाची हॅट्ट्रीक साजरी करण्याचा प्रयत्न करेल. त्याचबरोबर ऋषभ पंतच्या नेतृत्वात अत्यंत मजबूत दिसत असलेला

मागील सामन्याप्रमाणे या सामन्यातही आपली उत्कृष्ट कामगिरी सुरू ठेवण्यासाठी संघ मैदानात उतरेल. आतापर्यंत मुंबई संघाने 3 सामने खेळले असून त्यापैकी त्यांनी 2 सामन्यात विजय मिळवला आहे. तर एका सामन्यात त्यांना पराभवाला सामोरं जावं लागलं आहे. पॉईंटटेबलमध्ये 4 गुणांसह मुंबई संघ चौथ्या क्रमांकावर आहे. त्याचबरोबर दिल्लीचेही 4 गुण आहेत. मात्र रनरेटच्या आधारे ते पॉईंटटेबलमध्ये  तिसर्‍या स्थानावर आहे.

मुंबई संघाची ओळख त्यांची फलंदाजी आहे. तगढ्या फलंदाजांच भरणा संघात आहे. मात्र आतापर्यंत खेळल्या गेलेल्या सामन्यांत मुंबईने त्यांचा साजेशी अशी कामगिरी फलंदाजीत केलेली नाही. आतापर्यंत संघाला कोणतीही मोठी धावसंख्या उभारता आली नाही. हैदराबादविरुद्धच्या अखेरच्या सामन्यात संघाचा एकाही फलंदाज अर्धशतक करू शकला नाही. आजच्या सामन्यात मुंबईला आपल्या टॉप ऑर्डरमधील फलंदाजांकडून मोठ्या खेळीची अपेक्षा असेल. कर्णधार रोहित शर्मा आणि क्विंटन डिकॉक या सलामीच्या जोडीने शेवटच्या सामन्यात चांगली सुरुवात केली आणि या सामन्यात संघ त्यांच्याकडून अशीच अपेक्षा करेल. तिसर्‍या क्रमांकावर खेळणारा सूर्यकुमार यादवही फॉर्ममध्ये आहे. ईशान किशनने आतापर्यंत या स्पर्धेत काही खास कामगिरी केलेली नाही. बोल्ट आणि बुमराह यांनी डेथ ओव्हर्समध्ये चांगली कामगिरी केली आहे. गोलंदाजांच्या कामगिरीमुळे मुंबईने दोन विजय या स्पर्धेत नोंदवले आहेत. 

दिल्लीने आधीचे सर्व सामने मुंबईच्या वानखेडे स्टेडियमवर खेळले आहेत. आज ते चेन्नईतील चिन्नास्वामी स्टेडियमवर सामना खेळतील. नव्या मैदानात खेळणे चेन्नईसाठी आव्हान असेल. दिल्लीची मजबूत बाजू म्हणजे त्याची फलंदाजी आहे. शिखर धवन आणि पृथ्वी शॉ दोघेही फॉर्ममध्ये आहेत. शेवटच्या सामन्यात दिल्लीने स्टीव्ह स्मिथला संधी दिली होती. मात्र या सामन्यात हेटमायर संघात पुनरागमन करू शकतो.

दिल्ली संभाव्य संघ - पृथ्वी शॉ, शिखर धवन, हेटमायर, ऋषभ पंत (कर्णधार आणि यष्टीरक्षक), मार्कस स्टॉयनिस, ललित यादव, समृद्ध नोर्खिया, रविचंद्रन अश्विन, कागिसो रबाडा, अवेश खान आणि लुकमान मेरीवाला.

मुंबई संभाव्य संघ - रोहित शर्मा (कर्णधार), क्विंटन डिकॉक (यष्टीरक्षक), सूर्यकुमार यादव, ईशान किशन, हार्दिक पांड्या, कायरन पोलार्ड, कृणाल पांड्या, राहुल चहर, अ‍ॅडम मिलने, जसप्रीत बुमराह आणि ट्रेंट बोल्ट.