IPL Auction, CHRIS MORRIS sold | ख्रिस मॉरिस आयपीएलच्या इतिहासातील सर्वात महागडा खेळाडू; RR ने लावली इतक्या कोटींची बोली

IPL Auction, CHRIS MORRIS sold : ख्रिस मॉरिस आयपीएलच्या आतापर्यंतच्या इतिहासातील सर्वाधिक बोली लागलेला खेळाडू ठरला आहे. यापूर्वी टीम इंडियाचा माजी खेळाडू युवराज सिंहवर सर्वाधिक बोली लावण्यात आली होती.

IPL Auction, CHRIS MORRIS sold | साऊथ आफ्रिकेचा फास्ट बॉलिंग ऑलराउंडर ख्रिस मॉरिस आयपीएलच्या इतिहासातील सर्वाधिक बोली लागलेला खेळाडू बनला आहे. ख्रिस मॉरिसला राजस्थान रॉयल्सने 16.25 कोटी रुपयांना खरेदी केलं आहे. याआधी आयपीएलच्या इतिहासात सर्वाधिक बोली युवराज सिंह (16 कोटी) याच्यावर लावण्यात आली होती. मॉरिस यापूर्वी रॉयल चॅलेंजर्स बंगलोरच्या संघाचा हिस्सा होता. त्याला आयपीएल 2020 च्या लिलावात RCB ने 10 कोटी रुपयांना खरेदी केलं होतं.

IPL Auction 2021: दक्षिण आफ्रिकेचा ख्रिस मॉरिस @RCBTweets कडून आता @rajasthanroyals च्या ताफ्यात. मॉरिसला 75 लाखांच्या मूळ किमतीवरून 16.25 कोटीचा चढा भाव.#IPLAuction #IPLhttps://t.co/gk6mxISt8G pic.twitter.com/Ll7A66D8Y4

— ABP माझा (@abpmajhatv) February 18, 2021

यापूर्वी टीम इंडियाचा युवा खेळाडू शिवम दुबे याला राजस्थान रॉयल्सने 4.40 कोटी रुपयांमध्ये खरेदी केलं आहे. शिवम आयपीएल 2020 मध्ये रॉयल चॅलेंजर्स बंगलोरच्या संघाचा हिस्सा होता. शिवमने टीम इंडियासाठी एक वनडे आणि 10 टी20 इंटरनॅशनल सामने खेळले आहेत.

इंग्लंडचा ऑलराऊंडर मोईन अलीला चेन्नई सुपर किंग्सने सात कोटी रुपयांमध्ये खरेदी केलं आहे. मोईन आयपीएल 2020 मध्ये रॉयल चॅलेंजर्स बंगलोरचा हिस्सा होता. परंतु, आता तो एमएस धोनीच्या चेन्नई सुपर किंग्सकडून खेळताना दिसणार आहे. तसेच बांग्लादेशचा स्पिन ऑलराउंडर शाकिब अल हसनला कोलकाता नाईट रायडर्सने 3.20 कोटी रुपयांना खरेदी केलं आहे. शाकिब गेल्या वर्षी आयपीएलमध्ये खेळला नव्हता. शाकिबची बेस प्राइज 2 कोटी रुपये होती.

शाकिबच्या आधी ऑस्ट्रेलियाचा विस्फोटक फलंदाज ग्लेन मॅक्सवेलला 14.25 कोटी रुपयांमध्ये रॉयल चॅलेंजर्स बंगलोरने खरेदी केलं आहे. मॅक्सवेलला खरेदी करण्यासाठी चेन्नई सुपर किंग्स आणि रॉयल चॅलेंजर बंगलोर यांच्यात चढाओढ सुरु होती. परंतु, अखेर सर्वाधिक 14.25 कोटींची बोली लावून बंगलोरने मॅक्सवेलला आपल्या टीममध्ये घेतलं आहे.

अद्याप कोणते खेळाडू अनसोल्ड?

करुण नायर, केदार जाधव, जेसन रॉय आणि एलेक्स हेल्स यांसारख्या मोठ्या खेळाडूंना अद्याप कोणीही खरेदी केलेलं नाही. दरम्यान, दुसऱ्या सेटमध्ये या खेळाडूंवर बोली लावली जाऊ शकते.

संघात किती खेळाडू असू शकतात?

सर्व फ्रँचायझींमध्ये त्यांच्या संघात जास्तीत जास्त 25 खेळाडू आणि किमान 18 खेळाडू घेऊ शकतात. त्याचबरोबर संघात परदेशी खेळाडूंची संख्या आठ असू शकते. महत्त्वाचे म्हणजे आयपीएलच्या आठही फ्रँचायजींनी लिलावापूर्वी 139 खेळाडूंना कायम ठेवले आहे. तर 57 खेळाडूंना त्यांच्या सध्याच्या संघाने रिलीज केलं आहे. सनरायझर्स हैदराबादने सर्वाधिक खेळाडू कायम ठेवले आहेत. त्याच वेळी रॉयल चॅलेंजर्स बंगळुरूने सर्वाधिक खेळाडूंना रिलीज केलं आहे.

महत्त्वाच्या इतर बातम्या :