CSK IPL 2025 Playoff Scenario : आता फक्त एकच मार्ग... मुंबईविरुद्ध लाजिरवाण्या पराभवानंतरही थालाची चेन्नई जाणार प्लेऑफमध्ये; जाणून घ्या समीकरण
वानखेडे स्टेडियमवर खेळल्या गेलेल्या 38 व्या सामन्यात चेन्नई सुपर किंग्जला मुंबई इंडियन्सविरुद्ध 9 विकेट्सने पराभव पत्करावा लागला.
How Can CSK Qualify For Playoffs : इंडियन प्रीमियर लीग 2025 चा अर्धा हंगाम संपला आहे. वानखेडे स्टेडियमवर खेळल्या गेलेल्या 38 व्या सामन्यात चेन्नई सुपर किंग्जला मुंबई इंडियन्सविरुद्ध 9 विकेट्सने पराभव पत्करावा लागला. या सामन्यात एमएस धोनीच्या नेतृत्वाखालील चेन्नई सुपर किंग्ज संघाने नाणेफेक गमावल्यानंतर प्रथम फलंदाजी करताना 20 षटकांत 5 गडी गमावून 176 धावा केल्या. नंतर, रोहित शर्मा आणि सूर्यकुमार यादव यांच्या धमाकेदार अर्धशतकांच्या जोरावर मुंबईने 177 धावांचे लक्ष्य 26 चेंडू आणि 9 विकेट्स राखून गाठले.
💔#MIvCSK pic.twitter.com/1R2kK6ThmZ
— Chennai Super Kings (@ChennaiIPL) April 20, 2025
पॉइंट्स टेबलमध्ये चेन्नई कुठे आहे?
चेन्नई सुपर किंग्जचा हा 8 सामन्यांतील सहावा पराभव आहे. सीएसकेने आतापर्यंत फक्त 2 सामने जिंकले आहेत. त्याच्या खात्यात 4 गुण आहेत. चेन्नईचा संघ -1.392 च्या नेट रन रेटसह पॉइंट टेबलमध्ये तळाशी आहे. अशा परिस्थितीत, प्लेऑफमध्ये जाण्यासाठी त्यांच्याकडे एकच मार्ग आहे.
A perfect way to wrap a dominant victory and seal back-to-back home wins 💙@mipaltan sign off tonight by winning round 2⃣ against their arch rival 🥳
— IndianPremierLeague (@IPL) April 20, 2025
Scorecard ▶ https://t.co/v2k7Y5tg2Q#TATAIPL | #MIvCSK pic.twitter.com/u2BDXfHpXJ
चेन्नईसाठी करो या मरो....
चेन्नई सुपर किंग्जने 14 पैकी 8 सामने खेळले आहेत. त्याचे 6 लीग सामने बाकी आहेत. प्लेऑफमध्ये आपले स्थान निश्चित करण्यासाठी, कोणत्याही संघाला 8 सामने जिंकावे लागतील आणि 16 गुण मिळवावे लागतील. गेल्या 17 हंगामात, असे फार क्वचितच घडले आहे की एखादा संघ 14 गुणांसह प्लेऑफमध्ये पोहोचला आहे. चेन्नईचे 2 विजयांसह 4 गुण आहेत. त्याच्यासाठी, स्पर्धेतील उरलेला प्रत्येक सामना आता अस्तित्वाची लढाई बनला आहे.
प्लेऑफमध्ये जाण्यासाठी आता फक्त एकच मार्ग...
प्लेऑफच्या शर्यतीत टिकून राहण्यासाठी चेन्नईला उर्वरित 6 पैकी 6 सामने जिंकावे लागतील. तरच त्यांना 14 सामन्यांत 8 विजयांसह 16 गुणांसह प्लेऑफमध्ये प्रवेश करता येईल. पण संघाचा सध्याचा फॉर्म आणि कामगिरी पाहता, जरा कठीण वाटत आहे. एमएस धोनी संघात असल्याने काहीही अशक्य नाही, परंतु खेळाडूंच्या दुखापती आणि वैयक्तिक कारणांमुळे स्पर्धा सोडल्यामुळे समस्या वाढल्या आहेत.
चेन्नई सुपर किंग्ज संघाचे पुढील वेळापत्रक
25 एप्रिल - चेन्नई सुपर किंग्ज - सनरायझर्स हैदराबाद
30 एप्रिल - चेन्नई सुपर किंग्ज - पंजाब किंग्ज
3 मे - रॉयल चॅलेंजर्स बंगळुरू - चेन्नई सुपर किंग्ज
7 मे - कोलकाता नाइट रायडर्स - चेन्नई सुपर किंग्ज
12 मे - चेन्नई सुपर किंग्ज - राजस्थान रॉयल्स
18 - गुजरात टायटन्स - चेन्नई सुपर किंग्ज
महत्त्वाच्या बातम्या
