DC vs SRH IPL 2024: दिल्लीला होमग्राऊंडवर लोळवलं, सनरायजर्सची गुणतालिकेत मोठी झेप, चेन्नईला मागं टाकलं

DC vs SRH IPL 2024: गुणतालिकेत दिल्ली सध्या सहाव्या क्रमांकावर असून हैदराबादचा संघ चौथ्या स्थानावर आहे.

Background

Delhi Capitals vs Sunrisers Hyderabad IPL 2024: आज दिल्ली कॅपिटल्स (DC) आणि सनरायझर्स हैदराबाद (SRH) यांच्यात 35 वी लढत सुरु आहे. दिल्लीतील अरुण जेटली मैदानात हा सामना सुरु आहे. दिल्ली कॅपिटल्सचा कॅप्टन रिषभ पंतनं टॉस जिंकून पहिल्यांदा बॉलिंग करण्याचा निर्णय घेतला. मात्र, ट्रेविस हेड आणि अभिषेक शर्मानं हैदराबादला वादळी सुरुवात करुन दिली. पॉवरप्लेमध्ये ट्रेविस हेड आणि अभिषेक शर्मानं 125 धावा केल्या.  पॉवरप्लेनंतर कुलदीप यादवनं विकेट घेतल्यानं हैदराबादच्या धावसंख्येचा वेग कमी झाला. कुलदीप यादवनं चार विकेट घेतल्या. मुकेश कुमारनं एक तर अक्षर पटेलनं एक विकेट घेतली. 

हैदराबादसाठी ट्रेविस हेडनं 89, अभिषेक शर्मानं 46,  हेनरिक क्लासेननं 15, नितीशकुमार रेड्डीनं 37, शहाबाझ अहमदनं देखील अर्धशतक झळकावलं. शहाबाझ अहमदनं 59 धावा केल्या.  यासर्वांच्या खेळीच्या जोरावर हैदराबादनं 7 विकेटवर 266 धावा केल्या. 

23:24 PM (IST)  •  20 Apr 2024

दिल्लीचा होम ग्राऊंडवर पराभव, सनरायजर्स हैदराबादचा पाचवा विजय

दिल्लीचा होम ग्राऊंडवर पराभव झाला आहे. सनरायजर्स हैदराबादनं यंदाच्या आयपीएलमधील पाचवा विजय मिळवला आहे. 

22:47 PM (IST)  •  20 Apr 2024

दिल्लीला सहावा धक्का?

दिल्लीला सहावा धक्का बसला आहे. ललित यादव 7 धावा करुन बाद झाला आहे.