CSK vs KKR LIVE Score: चेन्नई आणि कोलकाता यांच्यात लढत, लाईव्ह अपडेट एका क्लिकवर

CSK vs KKR IPL 2023 LIVE Score: चेन्नईचा संघ 12 सामन्यांमध्ये 15 गुणांसह प्लेऑफमध्ये जाण्याच्या तयारी आहे. तर दुसरीकडे केकेआर केवळ 10 गुणांसह उर्वरित दोन सामने जिंकण्याच्या प्रयत्नात असणार आहे.

Background

CSK vs KKR IPL 2023 LIVE Score:  आज म्हणजेच 14 मे, रविवारी डबल हेडर सामने खेळले जातील. आजच्या दुसऱ्या सामन्यात चेन्नई सुपर किंग्ज (Chennai Super Kings) आणि कोलकाता नाईट रायडर्स (Kolkata Knight Riders) हे संघ आमनेसामने असतील. या दोघांमधील हा सामना चेन्नईच्या एमए चिदंबरम स्टेडियमवर संध्याकाळी साडेसात वाजल्यापासून खेळवला जाईल. या दोघांमधील या स्पर्धेतील हा दुसरा सामना असेल. यापूर्वी झालेला सामना चेन्नईने जिंकला होता.

चेन्नईचा संघ 12 सामन्यांमध्ये 15 गुणांसह प्लेऑफमध्ये जाण्याच्या तयारी आहे. तर दुसरीकडे केकेआर केवळ 10 गुणांसह उर्वरित दोन सामने जिंकण्याच्या प्रयत्नात असणार आहे. तसेच, प्लेऑफमध्ये जाण्यासाठी केकेआरला इतर संघांच्या कामगिरीकडेही लक्ष द्यावं लागणार आहे. 

चेन्नई विरुद्ध कोलकाता हेड टू हेड 

आयपीएलमध्ये आतापर्यंत चेन्नई सुपर किंग्ज आणि कोलकाता नाईट रायडर्स हे संघ 27 वेळा आमनेसामने आले आहेत, ज्यामध्ये चेन्नईनं 18 आणि केकेआरनं फक्त 9 जिंकले आहेत. तसेच, या दोघांमधील आजचा सामना एमए चिदंबरम स्टेडियमवर होणार आहे. येथे दोन्ही संघ 9 वेळा भिडले आहेत, ज्यामध्ये चेन्नईनं 7 आणि कोलकातानं फक्त 2 सामने जिंकले आहेत.

चेन्नई सुपर किंग्स आणि कोलकाता नाईट रायडर्स यांचे संभाव्य संघ : 

चेन्नई सुपर किंग्सचा संभाव्य संघ 

एमएस धोनी (कर्णधार आणि विकेटकीपर), आकाश सिंह, मोइन अली, भगत वर्मा, दीपक चाहर, डेवोन कॉनवे, तुषार देशपांडे, शिवम दुबे, ऋतुराज गायकवाड, राजवर्धन हँगरगेकर, रवींद्र जाडेजा, सिसंडा मगाला, अजय मंडल, मथीशा पथिराना , ड्वेन प्रीटोरियस, अजिंक्य रहाणे, शॅक रशीद, अंबाती रायडू, मिचेल सेंटनर, सुभ्रांशु सेनापती, सिमरजीत सिंह, निशांत सिंधु, प्रशांत सोलंकी, बेन स्टोक्स, महेश तीक्ष्णा

कोलकाता नाईट रायडर्सचा संभाव्य संघ 

नीतीश राणा (कर्णधार), रहमानुल्लाह गुरबाज, जेसन रॉय, वेंकटेश अय्यर, आंद्रे रसेल, सुनील नारायण, शार्दुल ठाकुर, लॉकी फर्ग्यूसन, उमेश यादव, टिम साउदी, हर्षित राणा, वरुण चक्रवर्ती, अनुकुल रॉय, रिंकू सिंह, एन जगदीसन, वैभव अरोरा, सुयश शर्मा, डेविड वीज, कुलवंत खेजरोलिया, मनदीप सिंह, आर्या देसाई आणि जॉनसन चार्ल्स

IPL 2023 Live Streaming : लाईव्ह सामना कुठे पाहाल?

आयपीएल 2023 (IPL 2023) च्या सर्व सामन्यांचं लाइव्ह स्ट्रीमिंग (Live Streaming) 'जिओ सिनेमा' ॲपवर (Jio Cinema) उपलब्ध असेल. स्टार स्पोर्ट्स नेटवर्कच्या विविध वाहिन्यांवर या सामन्याचे थेट प्रक्षेपण (Live Streaming) केले जाईल. तसेच एबीपी माझाच्या वेबसाईटवरही तुम्हाला सामन्याचे वेळोवेळीचे अपडेट्स उपलब्ध असतील.

23:15 PM (IST)  •  14 May 2023

कोलकात्याचा रोमांचक विजय

कर्णधार नीतीश राणा आणि रिंकू सिंह यांच्या अर्धशतकाच्या जोरावर कोलकात्याने चेन्नईचा पराभव केलाय. चेन्नईने दिलेले १४५ धावांचे आव्हान कोलकात्याने सहा विकेट आणि नऊ चेंडू राखून सहज पार केले. चेन्नईकडून दीपक चाहर याने तीन विकेट घेतल्या.  या विजयासह कोलकात्याचे प्लेऑफमधील आव्हान जिवंत राहिलेय. तर चेन्नईचे आव्हान अधीक खडतर झालेय. चेन्नईला प्लेऑफमध्ये पोहचण्यासाठी अखेरचा सामना जिंकणे अनिवार्य झालेय.. चेन्नईचा अखेरचा सामना दिल्लीसोबत आहे.

23:08 PM (IST)  •  14 May 2023

कोलकात्याचा चार विकेटने विजय

कोलकात्याचा चार विकेटने विजय... चेन्नईचा पराभव

23:00 PM (IST)  •  14 May 2023

कोलकात्याला चौथा धक्का

अर्धशतकानंतर रिंकू सिंह बाद झालाय..कोलकात्याला चौथा धक्का बसला

22:57 PM (IST)  •  14 May 2023

नीतीश राणाचे दमदार अर्धशतक

नीतीश राणाचे दमदार अर्धशतक... ३८ चेंडूत झळकावले अर्धशतक

22:52 PM (IST)  •  14 May 2023

रिंकू सिंहचे दमदार अर्धशतक

रिंकू सिंह याने ३९ चेंडूत अर्धशतक झळकावले.. चेन्नईविरोधात दुसरे अर्धशतक झळकावले..