IND vs SA 1st ODI LIVE : रोहित अन् विराटविना टीम इंडिया मैदानात; यंग ब्रिगेड दक्षिण आफ्रिकेशी दोन हात करणार
IND vs SA 1st ODI LIVE Score : दक्षिण आफ्रिका दौऱ्यावर असलेल्या टी-20 मालिकेत सूर्यकुमार यादवने टीम इंडियाचे नेतृत्व केले होते, मात्र एकदिवसीय मालिकेत केएल राहुलकडे संघाची कमान सोपवण्यात आली आहे.
IND vs SA 1st ODI LIVE : भारतीय क्रिकेट संघ (Team India) आजपासून (17 डिसेंबर) दक्षिण आफ्रिकेत नवीन सुरुवात करणार आहे. विश्वचषक फायनलनंतर प्रथमच टीम इंडिया वनडे फॉरमॅटमध्ये मैदानात उतरणार आहे. भारत आणि दक्षिण आफ्रिका यांच्यातील तीन एकदिवसीय सामन्यांच्या मालिकेतील पहिला सामना आज होत आहे. पहिला एकदिवसीय सामना जोहान्सबर्गमध्ये भारतीय वेळेनुसार दुपारी दीड वाजता खेळवला जाईल. सामन्याची नाणेफेक 1 वाजता होणार आहे. भविष्य डोळ्यासमोर ठेवून या मालिकेसाठी भारतीय संघाची निवड करण्यात आली आहे. केएल राहुल वनडे मालिकेत टीम इंडियाची कमान सांभाळणार आहे.
दक्षिण आफ्रिका दौऱ्यावर असलेल्या टी-20 मालिकेत सूर्यकुमार यादवने टीम इंडियाचे नेतृत्व केले होते, मात्र एकदिवसीय मालिकेत केएल राहुलकडे संघाची कमान सोपवण्यात आली आहे. रोहित शर्मा आणि विराट कोहली यांचा दक्षिण आफ्रिका दौऱ्यासाठी टीम इंडियाच्या एकदिवसीय संघात समावेश नाही. दक्षिण आफ्रिकेविरुद्धच्या वनडे मालिकेत मोहम्मद सिराज, मोहम्मद शमी, जसप्रीत बुमराह, रवींद्र जडेजा, शुभमन गिल, रोहित शर्मा आणि विराट कोहलीसारखे स्टार खेळाडू नाहीत.
खेळपट्टी कशी असेल?
जोहान्सबर्गच्या न्यू वांडरर्स स्टेडियमवर खेळवला जाणार आहे. या मैदानावर खूप धावा केल्या जातात. आजही उच्च स्कोअरिंग सामना पाहायला मिळण्याची शक्यता आहे. हे तेच मैदान आहे जिथे ऑस्ट्रेलियाने 50 षटकात 434 धावा केल्या होत्या आणि त्याच सामन्याच्या दुसऱ्या डावात दक्षिण आफ्रिकेने ऐतिहासिक आव्हानाचा पाठलाग करत 438 धावा केल्या होत्या.
पहिल्या वनडेसाठी टीम इंडियाची संभाव्य प्लेइंग इलेव्हन
रजत पाटीदार, साई सुदर्शन, श्रेयस अय्यर, केएल राहुल (यष्टीरक्षक/कर्णधार), संजू सॅमसन, रिंकू सिंग, अक्षर पटेल, कुलदीप यादव, अर्शदीप सिंग, मुकेश कुमार आणि आवेश खान.
दक्षिण आफ्रिकेचा संभाव्य प्लेइंग इलेव्हन
रीझा हेंड्रिक्स, टोनी डी झोर्झी, रॅसी व्हॅन डर ड्युसेन, एडन मार्कराम (कर्णधार), हेनरिक क्लासेन (यष्टीरक्षक), डेव्हिड मिलर, विआन मुल्डर, अँडिले फेहलुकवायो, केशव महाराज, नांद्रे बर्गर आणि लिझार्ड विल्यम्स.
महत्त्वाच्या बातम्या
