![ABP Premium](https://cdn.abplive.com/imagebank/Premium-ad-Icon.png)
फायनलसाठी नरेंद्र मोदी स्टेडियम सज्ज, एयर शोपासून ते लाईट्सपर्यंत सर्व व्यवस्था, पाहा सविस्तर माहिती
India vs Australia Final World Cup 2023: भारत आणि ऑस्ट्रेलिया यांच्यामध्ये विश्वचषकाची फायनल होणार आहे. 19 नोव्हेंबर रोजी अहमदाबादमधील नरेंद्र मोदी स्टेडियमच्या रणांगणात हे दोन संघ भिडणार आहे.
![फायनलसाठी नरेंद्र मोदी स्टेडियम सज्ज, एयर शोपासून ते लाईट्सपर्यंत सर्व व्यवस्था, पाहा सविस्तर माहिती world cup 2023 final india vs australia air show in ahmedabad narendra modi stadium फायनलसाठी नरेंद्र मोदी स्टेडियम सज्ज, एयर शोपासून ते लाईट्सपर्यंत सर्व व्यवस्था, पाहा सविस्तर माहिती](https://feeds.abplive.com/onecms/images/uploaded-images/2023/11/17/e78bca551fc19f29c31a17ec283241921700218026578265_original.jpeg?impolicy=abp_cdn&imwidth=1200&height=675)
India vs Australia Final World Cup 2023: भारत आणि ऑस्ट्रेलिया यांच्यामध्ये विश्वचषकाची फायनल होणार आहे. 19 नोव्हेंबर रोजी अहमदाबादमधील नरेंद्र मोदी स्टेडियमच्या रणांगणात हे दोन संघ भिडणार आहे. फायनल सामन्याची तयारी जवळपास पूर्ण झाली आहे. रोहित शर्माच्या नेतृत्वातील टीम इंडिया सध्या वेगळ्याच फॉर्मात आहे. रोहितच्या संघासमोर आता पॅट कमिन्सच्या ऑस्ट्रेलियाचे आव्हान असेल. भारतीय संघाने लागोपाठ दहा सामन्यात विजय मिळवलाय. तर ऑस्ट्रेलियाने लागोपाठ आठ सामन्यात विजय मिळवलाय. भारत आणि ऑस्ट्रेलिया यांच्यात रंगणारा सामना पाहण्यासाठी नरेंद्र मोदी उपस्थित राहणार असल्याचे वृत्त आहे. त्याशिवाय फायनलआधी स्पेशल सेरेमनीही ठेवण्यात आली आहे. तसेच एयर शो सुद्धा होणार आहे.
भारत-ऑस्ट्रेलिया फायनल सामन्याआधी एअर शो -
रविवारी भारत आणि ऑस्ट्रेलिया यांच्यामध्ये महामुकाला होणार आहे. मीडिया रिपोर्ट्सनुसार, या सामन्याआधी एयर शो होणार आहे. भारतीय वायुसेनाची सूर्यकिरण टीम हवाई शो करणार आहे. जवळपास दहा मिनिटांपर्यंत हा एयर शो होणार आहे. त्यामुळे स्टेडियममध्ये असणाऱ्या प्रेक्षकांसाठी ही मेजवानीच असेल. या एअर शोसाठी वायूदलाची प्रॅक्टिस सुरु आहे.
लाइट्सने झगमगणार स्टेडियम -
फायनल सामन्यासाठी नरेंद्र मोदी स्टेडियमवर वेगवेगळ्या प्रकारची लाईटिंग केली आहे. प्रेक्षकांना यामुळे आणखी चांगला अनुभव मिळेल. लाईट्ससोबतच संपूर्ण स्टेडियममध्ये ठिक ठिकाणी स्पीकर्सही लावण्यात आली आहे. त्यामुळे गाण्यांसोबतच समालोचनही चाहत्यांना ऐकता येणार आहे.
प्रधानमंत्री नरेंद्र मोदी आणि महेंद्र सिंह धोनी स्टेडियममध्ये येणार -
मीडिया रिपोर्ट्सनुसार, भारत आणि ऑस्ट्रेलिया यांच्यातील महामुकाबला पाहण्यासाठी पंतप्रधान नरेंद्र मोदी स्वत: उपस्थित राहणार आहेत. त्याशिवाय भारताचा माजी कर्णधार, विश्वचषक विजेता कर्णधार एमएस धोनीही अहमदाबादमध्ये येण्याची शक्यता आहे. अहदाबादमध्ये सध्या सुरक्षा मोठ्या प्रमाणात तैणात करण्यात आली आहे. एमएस धोनीसह अनेक दिग्गज खेलाडूही उपस्थित राहण्याची शक्यता आहे. त्याशिवाय राजकीय नेतेही उपस्थिती लावण्याची शक्यता आहे.
लाखभर चाहते येणार -
अहमदाबाद स्टेडियमवर सामना पाहण्यासाठी जवळपास लाखभर चाहते येण्याची शक्यता आहे. त्यामुळे तेथील सुरक्षा वाढवण्यात आली आहे. स्टेडियम आणि शहरात मोठा फौजफाटा तैणात करण्यात आला आहे. अहमदाबाद स्टेडियममध्ये एक लाख 32 हराज प्रेक्षकांची क्षमता आहे. ऑस्ट्रेलिया आणि भारत यांच्यात होणारा महामुकाबला पाहण्यासाठी चाहत्यांची गर्दी होणार आहे.
महत्त्वाच्या बातम्या
ट्रेंडिंग न्यूज
![ABP Premium](https://cdn.abplive.com/imagebank/metaverse-mid.png)
![उमेश अलोणे, एबीपी माझा](https://feeds.abplive.com/onecms/images/author/edf3be0fff591493dbcd992552913783.jpeg?impolicy=abp_cdn&imwidth=70)