Ind vs Eng : श्रेयस अय्यर IN... सरफराज खान OUT; इंग्लंडविरुद्ध पहिल्या कसोटीसाठी नवज्योत सिंग सिद्धू यांनी निवडली Playing-11, पाहा कोणाला दिली संधी?
India Tour of England : बीसीसीआयने आगामी इंग्लंड दौऱ्यासाठी भारत-अ संघाची घोषणा केली आहे.
India Tour of England : बीसीसीआयने आगामी इंग्लंड दौऱ्यासाठी भारत-अ संघाची घोषणा केली आहे. या संघाची धुरा सलामीवीर अभिमन्यू ईश्वरनकडे सोपवण्यात आली आहे, तर राजस्थान रॉयल्सचा युवा यष्टिरक्षक-फलंदाज ध्रुव जुरेलला उपकर्णधार बनवण्यात आले आहे. हा संघ इंग्लंडमध्ये दोन प्रथम श्रेणी सामन्यांमध्ये भाग घेईल.
देशांतर्गत क्रिकेटमधील उत्कृष्ट कामगिरीमुळे करुण नायर या संघात परतला आहे. विदर्भाकडून खेळताना त्याने रणजी ट्रॉफीमध्ये 863 धावा केल्या आणि संघाला जेतेपद जिंकून देण्यात महत्त्वाची भूमिका बजावली. करुणने अंतिम सामन्यात 135 धावांची महत्त्वाची खेळीही खेळली.
पण, सर्वांचे लक्ष भारतीय क्रिकेट संघ पुढील महिन्यात इंग्लंड दौऱ्यावर जाणार आहे, जिथे त्यांना यजमान संघाविरुद्ध पाच सामन्यांची कसोटी मालिका खेळायची आहे. या मालिकेसाठी भारतीय संघाच्या निवडीकडे लागले आहे. 23 मे रोजी कसोटी संघाची घोषणा केली जाऊ शकते. त्याच दिवशी टीम इंडियाचा नवा कसोटी कर्णधारही ओळखला जाईल. रोहित शर्माने कसोटी क्रिकेटमधून निवृत्ती घेतल्यानंतर कसोटी कर्णधारपद रिक्त आहे.
नवज्योत सिंग सिद्धू यांनी इंग्लंड दौऱ्यासाठी निवडला संघ...
चाहते आणि क्रिकेट तज्ञ देखील इंग्लंड दौऱ्यासाठी त्यांचे संघ निवडत आहेत. आता माजी भारतीय क्रिकेटपटू नवज्योत सिंग सिद्धू यांनीही इंग्लंड दौऱ्यासाठी भारतीय संघाची निवड केली आहे. सिद्धूने आपल्या संघात श्रेयस अय्यर, करुण नायर आणि साई सुदर्शन यांना स्थान दिले आहे. करुण नायरने मार्च 2017 मध्ये शेवटचा कसोटी सामना खेळला होता. तर श्रेयसही बराच काळ कसोटी संघाबाहेर आहे. तर सलामीवीर फलंदाज सुदर्शनने आतापर्यंत भारतासाठी एकही कसोटी सामना खेळलेला नाही.
नवजोत सिद्धू यांनी ऋषभ पंतसह ध्रुव जुरेलची संघात यष्टिरक्षक फलंदाज म्हणून निवड केली. वेगवान गोलंदाजी युनिटमध्ये त्याने डावखुरा वेगवान गोलंदाज अर्शदीप सिंग आणि प्रसिद्ध कृष्णा यांचेही नाव घेतले. सिद्धूने आपल्या संघात वेगवान अष्टपैलू शार्दुल ठाकूरला स्थान दिलेले नाही, तर नितीश रेड्डी संघाचा भाग आहे. ऑस्ट्रेलिया दौऱ्यावर भारतीय संघाचा भाग असलेला मधल्या फळीतील फलंदाज सरफराज खानचा सिद्धूच्या संघात समावेश नाही.
एवढेच नाही तर नवज्योत सिंग सिद्धूने इंग्लंडविरुद्धच्या कसोटी मालिकेतील पहिल्या सामन्यासाठी भारताच्या प्लेइंग-11 संघाची निवड केली. या सामन्यासाठी त्याने त्याच्या प्लेइंग-11 मधून प्रसिद्ध कृष्णा, श्रेयस अय्यर, ध्रुव जुरेल, कुलदीप यादव आणि करुण नायर यांना वगळले. भारत आणि इंग्लंड यांच्यातील कसोटी मालिकेतील पहिला सामना 20 जूनपासून हेडिंग्ले येथे खेळला जाणार आहे. पण, सिद्धू यांनी त्यांच्या फेसबुक पोस्टमध्ये संघाचा कर्णधार कोण असेल याचा उल्लेख केला नाही.
इंग्लंड दौऱ्यासाठी नवज्योतसिंग सिद्धूचा 16 सदस्यीय भारतीय संघ
साई सुदर्शन, यशस्वी जैस्वाल, शुभमन गिल, केएल राहुल, ऋषभ पंत (यष्टीरक्षक), रवींद्र जडेजा, नितीश कुमार रेड्डी, जसप्रीत बुमराह, मोहम्मद शमी, मोहम्मद सिराज, अर्शदीप सिंग, प्रसिद्ध कृष्णा, श्रेयस अय्यर, ध्रुव जुरेल, कुलदीप यादव, करुण नायर.
इंग्लंड दौऱ्यातील पहिल्या कसोटीसाठी नवज्योत सिंग सिद्धू यांनी निवडली Playing-11
साई सुदर्शन, यशस्वी जैस्वाल, शुभमन गिल, केएल राहुल, ऋषभ पंत (यष्टीरक्षक), रवींद्र जडेजा, नितीश कुमार रेड्डी, जसप्रीत बुमराह, मोहम्मद शमी, मोहम्मद सिराज, अर्शदीप सिंग.
महत्त्वाच्या बातम्या
