T20 World Cup 2024 Ind vs Aus: ऑस्ट्रेलियाला पराभूत केल्यानंतर रोहित शर्मा भारतीयांच्या मनातालं बोलला; सेमी फायनलवरही केलं भाष्य
T20 World Cup 2024 Ind vs Aus: 2023 वनडे विश्वचषक आणि वर्ल्ड टेस्ट चॅम्पियनशीपच्या फायनलमध्ये ऑस्ट्रेलियाने भारताचा पराभव केला होता.
T20 World Cup 2024 Ind vs Aus: टी-20 विश्वचषक 2024 च्या (T20 World Cup 2024) सुपर-8 च्या फेरीत काल भारत आणि ऑस्ट्रेलियाचा (India vs Australia) सामना झाला. या सामन्यात भारताने ऑस्ट्रेलियावर 24 धावांनी विजय मिळवला. भल्यामोठ्या लक्ष्याचा पाठलाग करताना ट्रॅविस हेड पुन्हा एकदा भारतीयांसाठी डोकेदुखी ठरला. त्याने 43 चेंडूंत 9 चौकार व 4 षटकारांसह 76 धावांची खेळी केली. तो खेळत असेपर्यंत कांगारू विजयी मार्गावर होते. मात्र, 17व्या षटकात जसप्रीत बुमराहने त्याला झेल बाद करत सामना भारताच्या बाजूने झुकविला.
नाणेफेक गमावल्यानंतर भारत प्रथम फलंदाजीला आला. विराट कोहली शून्य धावांवर बाद झाला असला तरी रोहित शर्माने 41 चेंडूत 92 धावांची खेळी खेळून दाखवला. त्याने आपल्या डावात 7 चौकार आणि 8 षटकार मारले आणि यादरम्यान त्याने मिचेल स्टार्कच्या याच षटकात 4 षटकारही मारले. ऑस्ट्रेलियाविरुद्ध रोहित शर्माने मोठा विश्वविक्रम देखील केला. टी20 क्रिकेटमध्ये 200 षटकारांचा पल्ला पार करणार रोहित शर्मा पहिला फलंदाज ठरलाय. दुसऱ्या क्रमांकावर असणाऱ्या ख्रिस गेलच्या नावावर 174 षटकारांची नोंद आहे. दरम्यान, टीम इंडियाने ऑस्ट्रेलियाचा बदला घेतला. 2023 वनडे विश्वचषक आणि वर्ल्ड टेस्ट चॅम्पियनशीपच्या फायनलमध्ये ऑस्ट्रेलियाने भारताचा पराभव केला होता. त्याची खंत भारतीयांच्या मनात होतीच. त्याचा बदला आज भारताने घेतला आहे. भारताने ऑस्ट्रेलियाचा पराभव केला आहे.
सामना जिंकल्यानंतर रोहित शर्मा काय म्हणाला? (Rohit Sharma Statment After Win Match Against Australia)
ऑस्ट्रेलियाविरुद्ध सामना जिंकल्यानंतर रोहित शर्मा म्हणाला, Satisfying...(समाधानकारक), रोहितचा हा शब्द ऐकून त्याने भारतीयांच्या मनातील गोष्ट बोलल्याचे सांगितले जात आहे. रोहित पुढे म्हणाला की, आम्ही प्रतिस्पर्ध्यांकडून काय धोका उद्भवला जाऊ शकतो, हे जाणतो. एक संघ म्हणून आम्ही चांगले केले, आम्हाला आवश्यक असलेल्या गोष्टी करत राहिलो. एक संघ म्हणून आम्हाला चांगला आत्मविश्वास देतो. 200 ही चांगली धावसंख्या आहे. पण जेव्हा तुम्ही इथे खेळत असाल तेव्हा वारा हा एक मोठा घटक आहे. मात्र आम्ही चांगले खेळलो, असं रोहित शर्माने सांगितले.
उपांत्य फेरीबद्दल रोहित शर्मा काय म्हणाला?
आम्हाला काही वेगळे करायचे नाही. त्याच पद्धतीने खेळायचे आहे आणि प्रत्येकाला काय करायचे आहे ते समजून घ्यायचे आहे. मोकळेपणाने खेळा आणि पुढे काय आहे याचा जास्त विचार करू नका. विरोधी संघाचा विचार करू नका, आम्हाला ते करत राहावे लागेल. इंग्लंडविरुद्धच्या उपांत्य फेरीबद्दल रोहित म्हणाला, हा एक चांगला सामना असेल, एक संघ म्हणून आमच्यासाठी काहीही वेगळे होणार नाही.
सर्वात वेगवान अर्धशतक -
रोहित शर्माने 2024 टी20 विश्वचषकात सर्वात वेगवान अर्धशतक ठोकण्याचा विक्रम केला आहे. याआधी हा विक्रम अमेरिकेच्या अॅरोन जोन्स याच्या नावावर होता. रोहित शर्माने फक्त 19 चेंडूमध्ये अर्धशतक ठोकले. हे टी20 विश्वचषक 2024 मधील सर्वात वेगवान अर्धशतक ठरले.
2024 टी20 विश्वचषकातील सर्वात वेगवान अर्धशतक
रोहित शर्मा - 19 चेंडू
अॅरोन जोन्स - 22 चेंडू
क्विंटन डी कॉक - 22 चेंडू
मार्कस स्टॉयनिस - 25 चेंडू
शाय होप - 26 चेंडू
संबंधित बातम्या:
महत्त्वाच्या बातम्या
ट्रेंडिंग न्यूज
