Natasa Stankovic : कोरी ॲस्बरीच्या 'रेकलेस लव्ह'गाण्याचा संदर्भ, जिममधील फोटो इन्स्टाग्राम स्टोरीवर ठेवत नताशाचा रोख कशाकडे?
Natasa Stankovic : हार्दिक पांड्याची पत्नी नताशा स्टॅनकोविक सध्या चर्चेत आहेत. हार्दिक आणि नताशाचा घटस्फोटाबाबत जोरदार चर्चा सुरु आहेत.
मुंबई :मुंबई इंडियन्सचा कॅप्टन आणि टीम इंडियाचा उपकॅप्टन हार्दिक पांड्या (Hardik Pandya) आणि नताशा स्टॅनकोविक (Natasa Stankovic) यांच्या घटस्फोटाबाबत चर्चा सुरु आहेत. या चर्चांमध्ये तथ्य आहे की अफवा आहेत याबाबत हार्दिक पांड्या आणि नताशा स्टॅनकोविक दोघांनी देखील भाष्य केलेलं नाही. हार्दिक पांड्या आणि नताशा स्टॅनकोविक या दोघांमध्ये घटस्फोट होणार असल्याच्या चर्चा काही दिवसांपासून सुरु आहेत. नताशा स्टॅनकोविकनं तिच्या इन्स्टाग्राम खात्याच्या नावातून पांड्या नावं हटवल्यानंतर या चर्चांना वेग आला. नताशा स्टॅनकोविकनं घटस्फोटाबाबत थेट भाष्य केलं नसले तरी ती वेगवेगळ्या स्टोरीज इन्स्टाग्रामवर शेअर करत आहे. कोरी ॲस्बरीच्या रेकलेस लव्ह या गाण्याची काही ओळी तिनं इन्स्टाग्राम स्टोरीमध्ये ठेवल्या आहेत.
नताशा स्टॅनकोविकनं तिच्या इन्स्टाग्राम स्टोरीवर जिममधील फोटो ठेवला आहे. मात्र, या फोटोत तिनं चेहरा फोननं झाकला आहे . या इन्स्टाग्राम स्टोरीसोबत रेकलेस लव्ह या कोरी ॲस्बरीच्या गाण्यातील काही ओळी ठेवल्या आहेत. नताशा स्टॅनकोविक आणि हार्दिक पांड्या यांच्या घटस्फोटाच्या चर्चा समोर तिनं पहिल्यांदा कुणीतरी रस्त्यावर येणार असल्याचा उल्लेख असणारी इन्स्टाग्राम स्टोरी ठेवली होती. अलकीडे तिनं लिफ्टमधील सेल्फीचा फोटो देखील शेअर केला आहे. हार्दिक पांड्या आणि नताशा स्टॅनकोविक काही महिन्यांपासून वेगळे राहत असल्याचा दावा त्यांच्या एक मित्रानं देखील केला होता.
हार्दिक आणि नताशाचं घटस्फोटाच्या चर्चांवर मौन
नताशा स्टॅनकोविक आणि हार्दिक पांड्या मे 2020 मध्ये विवाहबद्ध झाले होते. हार्दिक पांड्या आणि नताशा स्टॅनकोविकला अगस्त्य नावाचा मुलगा आहे. रेडिट पोर्टलवर एका यूजरनं नताशा स्टॅनकोविकनं तिच्या इन्स्टाग्राम अकाऊंटवरील नावातून पांड्या नाव हटवल्याचा दावा केला. यानंतर हार्दिक पांड्या आणि नताशा स्टॅनकोविक यांच्या घटस्फोटाच्या चर्चा सुरु झाल्या.
नताशा स्टॅनकोविक आणि हार्दिक पांड्यांच्या घटस्फोटाच्या चर्चांमध्ये आणखी गोष्टीमुळं भर पडली. हार्दिक पांड्याला घटस्फोट झाल्यास नताशा स्टॅनकोविकला 70 टक्के संपत्ती द्यावी लागणार असल्याचा चर्चा देखील काही दिवसांपूर्वी चर्चेत होत्या.
महत्त्वाची बाब म्हणजे हार्दिक पांड्या किंवा नताशा स्टॅनकोविकनं घटस्फोटाच्या चर्चांवर अधिकृतपणे कोणतंही भाष्य केलेलं नाही. नताशा स्टॅनकोविक मध्यंतरी मुंबईत तिच्या मित्रासोबत माध्यमांसमोर आली होती. त्यावेळी तिला घटस्फोटाबाबत प्रश्न विचारण्यात आला होता. नताशा स्टॅनकोविकनं फक्त थँक्यू म्हणत अधिक भाष्य केलं नव्हतं. हार्दिक पांड्या सध्या अमेरिकेत टी-20 वर्ल्ड कपमध्ये भारतीय संघाचं प्रतिनिधीत्व करण्यासाठी दाखल झाल आहे.
संबंधित बातम्या :
महत्त्वाच्या बातम्या
