LLC 2022 : आज रंगणार भिलवाडा किंग्स विरुद्ध इंडिया कॅपिटल्स मॅच, कधी, कुठे पाहाल सामना?
LLC : लीजेंड्स लीग क्रिकेटमध्ये आज भिलवाडा किंग्स आणि इंडिया कॅपिटल्स हे दोन्ही संघ एकमेंकाविरुद्ध मैदानात उतरणार आहेत.
LLC 2022, Bhilwara Kings vs India Capitals : भारतीय क्रिकेटसह जगभरातील क्रिकेट संघातील माजी क्रिकेटर लीजेंड्स लीग क्रिकेट (Legends League Cricket) स्पर्धेत सहभागी झाले आहेत. दिग्गज क्रिकेटर पुन्हा मैदानात उतरुन एकमेंकाविरुद्ध खेळत आहेत. अशामध्ये आयपीएलप्रमाणेच विविध देशाचे खेळाडू एकमेंकासोबत मिळून सामने खेळत आहेत. आजही (21 सप्टेंबर) भिलवाडा किंग्स आणि इंडिया कॅपिटल्स (Bhilwara Kings vs India capitals) हे संघ आमने सामने असणार आहेत.
आज सामना पार पडणाऱ्या दोन्ही संघामध्ये दिग्गज खेळाडूंचा भरणा आहे. अशामध्ये भिलवाडा किंग्सचा कर्णधार इरफान पठाण तर इंडिया कॅपिटल्सचं नेतृत्त्व जॅक कॅलिस करेल. या सामन्यांमध्ये जागतिक क्रिकेटमधील दिग्गज क्रिकेटर मैदानात उतरणार असून कोणते खेळाडू आज खेळू शकतात, यासाठी दोन्ही संघ पाहूया...
कसे आहे दोन्ही संघ?
कधी, कुठं पाहायचा सामना?
लीजेंड्स लीग क्रिकेटचा आजचा सामना (21 सप्टेंबर) संध्याकाळी 7.30 वाजता लखनौच्या इकाना क्रिकेट स्टेडियमवर खेळवला जाणार आहे. यापूर्वी अर्धातास आधी नाणेफेक होईल. या सामन्याचं लाईव्ह टेलिकास्ट स्टार स्पोर्ट्स नेटवर्कच्या विविध चॅनलवर होईल. तसेच डिज्नी+ हॉटस्टार अॅपद्वारे या सामन्याचं लाईव्ह स्ट्रिमिंग पाहता येऊ शकतं.
5 ऑक्टोबरला रंगणार फायनल
लीजेंड्स लीग क्रिकेट स्पर्धेच्या दुसऱ्या सीजनमध्ये 4 संघानी सहभाग घेतला आहे. इंडिया कॅपिटल्स, गुजरात जायंट्स, भिलवाडा किंग्स आणि मणिपाल टायगर्स अशी या संघाची नावं आहेत. ग्रुप स्टेजमध्ये हे चारही संघ प्रत्येकी 6-6 सामने खेळतील. म्हणजेच प्रत्येक दोन संघांमध्ये दोन सामने खेळवले जातील. लीगचा अंतिम सामना 5 ऑक्टोबर रोजी रंगणार आहे.
हे देखील वाचा-
महत्त्वाच्या बातम्या
ट्रेंडिंग न्यूज
