Ishan Kishan : भाऊ झालं तरी काय? इशान किशन दुलीप ट्रॉफीतून घेणार माघार, BCCI 'या' खेळाडूला देणार संधी?
Ishan Kishan To Miss Duleep Trophy 2024 : टीम इंडियाचा यष्टीरक्षक फलंदाज इशान किशन बऱ्याच दिवसांपासून राष्ट्रीय संघातून बाहेर आहे.
Duleep Trophy 2024 Ishan Kishan : टीम इंडियाचा यष्टीरक्षक फलंदाज इशान किशन बऱ्याच दिवसांपासून राष्ट्रीय संघातून बाहेर आहे. संघात पुनरागमन करण्यासाठी निवडकर्त्यांनी इशानला देशांतर्गत क्रिकेट खेळण्याचा सल्ला दिला होता. त्यानंतर इशान किशन बुची बाबू स्पर्धेत खेळताना दिसला. पण आता टीम इंडियात परतण्याच्या इशानच्या आशांना मोठा धक्का बसताना दिसत आहे. त्याचे मोठे कारणही समोर आले आहे.
इशान किशन झाला जखमी?
इशान किशनला दुलीप ट्रॉफी 2024 च्या सुरुवातीच्या सामन्यांमध्ये खेळणे कठीण मानले जात आहे. क्रिकबझच्या रिपोर्टनुसार, इशान किशन जखमी झाला आहे. बुची बाबू इशान किशन या स्पर्धेत झारखंडचा कर्णधार होता, त्याचा संघ लीग टप्प्यातच स्पर्धेतून बाहेर पडला होता. आता किशन दुलीप ट्रॉफीमध्ये खेळू शकणार की नाही हे ठरलेले नाही.
याशिवाय दुलीप ट्रॉफीमध्ये इशान किशनच्या जागी संजू सॅमसनचा समावेश केला जाऊ शकतो, असा दावा अहवालात केला जात आहे. आम्ही तुम्हाला सांगतो, जेव्हा दुलीप ट्रॉफीसाठी संघांची घोषणा करण्यात आली तेव्हा संजू सॅमसन कोणत्याही संघात नव्हता.
🚨 Ishan Kishan may not play the first Duleep Trophy game beginning on September 5
— Cricbuzz (@cricbuzz) September 4, 2024
Read the report on Cricbuzz by @vijaymirror : https://t.co/x9u6ZrGqCR#DuleepTrophy2024 #India #ishankishan pic.twitter.com/ZfNWMvzXxb
टीम इंडियात पुनरागमन करणे कठीण
खंरतर, इशान किशनने मानसिक तणावामुळे आंतरराष्ट्रीय क्रिकेटमधून ब्रेक घेतला होता. यानंतर निवडकर्त्यांनी टीम इंडियात पुनरागमन करण्यासाठी इशानला देशांतर्गत क्रिकेट खेळण्याचा सल्ला दिला. पण इशानने त्याकडे दुर्लक्ष केले. इशान शेवटची रणजी ट्रॉफी स्पर्धाही खेळला नव्हता. त्यानंतर त्याला बीसीसीआयच्या केंद्रीय करारातूनही वगळण्यात आले. आता देशांतर्गत क्रिकेट खेळल्यामुळे इशानच्या टीम इंडियात पुनरागमनाच्या आशा उंचावल्या होत्या, पण त्याला पुन्हा एकदा झटका बसताना दिसत आहे.
इशानला दुलीप ट्रॉफी 2024 मध्ये चांगली कामगिरी करून टीम इंडियात पुनरागमन करण्याची सुवर्णसंधी आहे, पण आता या स्पर्धेत इशान खेळतो की नाही हे पाहायचे आहे. या स्पर्धेनंतर भारतीय संघाला बांगलादेशसोबत दोन सामन्यांची कसोटी मालिका खेळायची आहे, अशा परिस्थितीत दुलीप ट्रॉफी भारतीय खेळाडूंसाठी खूप महत्त्वाची आहे.
हे ही वाचा -
Ajay Ratra : BCCIची मोठी घोषणा! अजित आगरकरच्या टीममध्ये नव्या सदस्याची एन्ट्री, कोण आहे अजय रात्रा?
महत्त्वाच्या बातम्या
